ప్రజా సేవకే…వైసీపీ

కర్నూలు ఎమ్మెల్యే హఫీజ్ ఖాన్
పల్లెవెలుగు, కర్నూలు
ప్రజల కోసం ఆవిర్భవించిన పార్టీ.. వైసీపీ.. అని కర్నూలు ఎమ్మెల్యే హఫీజ్ ఖాన్ అన్నారు. శుక్రవారం నగరంలోని పాతబస్టాండ్ సమీపంలో ఉన్న వైస్సార్సీపీ ఎమ్మెల్యే కార్యాలయంలో వైఎస్సార్‌ సీపీ ఆవిర్భావ దినోత్సవాన్ని ఘనంగా నిర్వహించారు. ఈ సందర్భంగా పార్టీ జెండాను ఆవిష్కరించిన అనంతరం.. ఎమ్మెల్యే ఎంఏ హఫీజ్​ఖాన్​ కేక్​ కట్​ చేసి కార్యకర్తలు, నాయకులకు తినిపించారు. ఈ సందర్భంగా ఎమ్మెల్యే మాట్లాడుతూ దివంగత నేత డా. వైస్సార్ ఆశయ సాధనకై సీఎం వైఎస్​ జగన్ కృషి చేస్తున్నారన్నారు. అధికారంలోకి వచ్చినప్పటి నుంచి సుపరిపాలన అందిస్తూ… తండ్రి బాటలో పయనిస్తూ… అందరి ఆదరాభిమానాలు చూరగొంటున్నారన్నారు. పార్టీ స్థాపించి 10 సంవత్సరాలు పూర్తి అయినప్పటి నుంచి రాష్ట్ర అభివృద్ధి, ప్రజల శ్రేయస్సు కోసం ఎంతో కష్టపడ్డారని తెలిపారు..చిన్న పిల్లల చదువు అమ్మ ఒడి పథకం మొదలు వృద్ధుల వరకు సంక్షేమ పథకాలు వర్తింపజేశారన్నారు. పార్టీ మరింత బలోపేతానికి కార్యకర్తలు, నాయకులు కృషి చేయాల్సిన అవసరం ఎంతైనా ఉందన్నారు. కార్యక్రమంలో వైస్సార్సీపీ నాయకులు కార్యకర్తలు తదితరులు పాల్గొన్నారు.

About Author

NEWSNEDU

See author's posts