విజయం.. మహిళల సొంతం..
1 min read
క్రీడాపోటీలను ప్రారంభిస్తున్న కలెక్టర్ సతీమణి ఆండాలు వీరపాండ్యాన్
– కలెక్టర్ జి. వీరపాండియన్ సతీమణి ఆండాలు
– ఘనంగా అంతర్జాతీయ మహిళా దినోత్సవం
పల్లెవెలుగు, కర్నూలు: ఆధునిక ప్రపంచంలో మహిళలు అన్ని రంగాల్లో విజయకేతనం ఎగరేస్తున్నారని కలెక్టర్ జి. వీరపాండియన్ సతీమణి ఆండాలు అన్నారు. ఈనెల 8న అంతర్జాతీయ మహిళాదినోత్సవం సందర్భంగా శనివారం కలెక్టరేట్లోని సునయన ఆడిటోరియంలో క్రీడా పోటీలను ప్రారంభించారు. ఈ సందర్భంగా కలెక్టర్ సతీమణి ఆండాలు మాట్లాడుతూ రాజకీయంగా, సామాజికంగా, ఆర్థికంగా ఎదుగుతున్న మహిళల ఆలోచనలకు తిరుగులేదన్నారు. కష్టపడి పని చేసే తత్వం.. ఉన్న మహిళలు, యువతులు ఏ రంగంలోనైనా రాణించగలరని పేర్కొన్న ఆండాలు.. సరోజిని నాయుడు, ఇందిరాగాంధీ, పి.టి. ఉష, కిరణ్బేడి.. వంటి వనితలను స్ఫూర్తిగా తీసుకోవాలన్నారు. అనంతరం పలు క్రీడాపోటీలు నిర్వహించారు. స్కిప్పింగ్లో జాయింట్ కలెక్టర్ ( సంక్షేమం) సయ్యద్ ఖాజా మొహిద్దీన్ కోడలు అర్ఫియా ఫరియాల్ విజేతగా నిలిచారు. కార్యక్రమంలో జేసీ(డీ) రాంసుందర్ రెడ్డి సతీమణి ప్రసన్న, జేసీ(వెల్ఫేర్) సతీమణి షహనాజ్, నగర పాలక సంస్థ కమిషనర్ సతీమణి పృథ్వి బాలాజీ తదితరులు పాల్గొన్నారు.
About Author
