తాప్సీ కొత్త అడుగు..
1 min read
సినిమా డెస్క్: బాలీవుడ్‌లో ఓ రేంజ్‌లో దూసుకెళ్తున్న తాప్సీ పన్ను తెలుగులో చివరగా ‘గేమ్ ఓవర్’ అనే బైలింగ్విల్‌లో కనిపించింది. ఇప్పుడు మళ్లీ తెలుగులో ‘మిషన్ ఇంపాజిబుల్’ సినిమా చేస్తోంది. ‘ఏజెంట్ సాయి శ్రీనివాస్’ ఫేమ్ స్వరూప్ ఆర్.ఎస్.జె దర్శకత్వంలో ఈ సినిమా తెరకెక్కుతోంది. అయితే బాలీవుడ్‌లో అడుగుపెట్టిన తాప్సీ.. లేడీ ఓరియెంటెడ్ సినిమాలతో తన సత్తా చాటింది. ప్రస్తుతం అక్కడ బిజీ అయిపోయిన తాప్సీ ఇప్పుడు నిర్మాతగా మారి ప్రముఖ బాలీవుడ్ నిర్మాత, రచయిత ప్రంజల్ ఖంద్ దియా భాగస్వామ్యంలో ‘అవుట్ సైడర్స్ ఫిలింస్’ అనే పేరుతో ఓ నిర్మాణ సంస్థను ప్రారంభిస్తున్నట్టుగా ప్రకటించారు. తను ఇండస్ట్రీకి వచ్చి పదకొండేళ్లు అవుతోందని.. ఇప్పటి వరకూ చాలా నేర్చుకున్నానని తెలిపింది. ఈ ప్రయాణంలో అండగా నిలిచిన ప్రతి ఒక్కరికీ థ్యాంక్స్‌ చెబుతున్నానని.. ఇప్పుడు ఇండస్ట్రీకి తిరిగి ఇచ్చే సమయం ఆసన్నమైందని.. అందుకే నిర్మాణ రంగంలోకి అడుగుపెడుతున్నానని తాప్సీ సోషల్ మీడియా వేదికగా వెల్లడించారు. ఈ నేపథ్యంలో తాప్సీ తన ‘అవుట్ సైడర్స్ ఫిలింస్’ ప్రొడక్షన్ హౌస్‌లో ఫస్ట్ మూవీని ప్రకటించారు. అజయ్ భాల్ దర్శకత్వంలో ‘బ్లర్’ అనే చిత్రాన్ని తెరకెక్కిస్తున్నామని తెలిపారు. జీ స్టూడియోస్ మరియు ప్రంజల్ ఖంద్ దియాలతో కలిసి తాప్సీ ఈ చిత్రాన్ని నిర్మించనుంది. ఈ సందర్భంగా ‘బ్లర్’ చిత్రానికి సంబంధించిన ఫస్ట్ లుక్ పోస్టర్ ని కూడా విడుదల చేశారు. హీరోయిన్‌గా సక్సెస్ సాధించింది.. నిర్మాతగా తాప్సీ ఎంతగా ఎదుగుతుందో చూడాలి.
About Author
