ఉన్నత శిఖరాలను అధిరోహించాలి : ఎమ్మెల్యే
1 min read
-కేక్ కటింగ్ విద్యార్థులకు ట్యాబుల పంపిణీ
పల్లెవెలుగు వెబ్ మిడుతూరు: విద్యార్థులు చక్కగా చదువుకొని ఉన్నత శిఖరాలను అధిరోహించాలని నందికొట్కూరు ఎమ్మెల్యే తోగూరు ఆర్థర్ అన్నారు.గురువారం మధ్యాహ్నం నంద్యాల జిల్లా మిడుతూరు మండల కేంద్రంలో ఉన్న మోడల్ పాఠశాలలో 8వ తరగతి విద్యార్థులకు 92 ట్యాబులను ఎమ్మెల్యే పంపిణీ చేశారు.ఈ సందర్భంగా విద్యార్థులను ఉద్దేశించి ఎమ్మెల్యే మాట్లాడుతూ నేను పేదరిక కుటుంబం నుంచే వచ్చాను.నా తల్లిదండ్రులు నాకు ఇచ్చిన ఆస్తి చదువు అని నేను చక్కగా చదువుకోవడం వల్లే నేను మీ ముందుకు వచ్చి ఎమ్మెల్యేగా మాట్లాడుతున్నానని అన్నారు. అంతేకాకుండా ప్రభుత్వం విద్యార్థులకు అమ్మ ఒడి,విద్యా దీవెన,విద్యా కానుక మరియు విద్యార్థులకు ట్యాబులను పంపిణీ చేయడం జరిగిందని వీటిని మీరంతా సద్వినియోగం చేసుకుంటూ చక్కగా చదువుకొని మీరు తల్లిదండ్రులకు పాఠశాలకు మంచి పేరు తీసుకురావాలని ఎమ్మెల్యే విద్యార్థులకు హితబోధ చేశారు.తర్వాత మోడల్ పాఠశాలలో చదువుతున్న 650 మంది విద్యార్థులకు వైసీపీ నాయకులు ఇనాయతుల్ల, వెంకట్,పుల్లయ్య,చంద్రశేఖర్ రెడ్డి ఆధ్వర్యంలో ముఖ్యమంత్రి జగన్ మోహన్ రెడ్డి జన్మదినం సందర్భంగా విద్యార్థులకు భోజనాన్ని ఏర్పాటు చేశారు. విద్యార్థులతో పాటుగా ఎమ్మెల్యే భోజనం చేశారు. పాఠశాలలో విద్యార్థుల సమక్షంలో ఎమ్మెల్యే కేక్ కట్ చేశారు.తదనంతరం పైపాలెం గ్రామంలో దర్జీ నైమున్నిసా, మహమ్మద్ హుస్సేన్ నూతనంగా నిర్మించిన గృహాన్ని ఎమ్మెల్యే ప్రారంభించారు.ఈ కార్యక్రమంలో వంగాల సిద్ధారెడ్డి,గోవర్ధన్ రెడ్డి, నందికొట్కూరు కౌన్సిలర్లు మొ ల్ల రబ్బాని,జాకీర్ హుస్సేన్, ధర్మారెడ్డి,డాక్టర్ వనజ, ఎంపీడీఓ జిఎన్ఎస్ రెడ్డి,ఎంఈఓలు రామిరెడ్డి, శ్రీనాథ్,పాఠశాల హెచ్ఎం సలీం భాష తదితరులు పాల్గొన్నారు.
About Author
