దాతల సేవలు మరువలేనివి: ఎంఈఓ
1 min read![](https://i0.wp.com/newsnedu.com/wp-content/uploads/2024/02/4.jpg?fit=550%2C270&ssl=1)
పల్లెవెలుగు వెబ్ మిడుతూరు: విద్యార్థుల భవిష్యత్తుకు దాతలు చేస్తున్న కృషి మరువలేనివని మండల విద్యాధికారి శ్రీనాథ్ అన్నారు.మంగళవారం మండల కేంద్రమైన మిడుతూరులోని భవితా కేంద్రంలో దివ్యాంగ చిన్నారులకు నందికొట్కూరు పల్లె ప్రియాంక సేవా సమితి ఆర్థిక సహకారంతో టీచింగ్ లెర్నింగ్ మెటీరియల్ (TLM) ని ఎంఈఓ శ్రీనాథ్ చేతుల మీదుగా అందజేశారు.ఈ సందర్భంగా ఎంఈఓ శ్రీనాథ్ మాట్లాడుతూ దివ్యాంగ చిన్నారుల సంక్షేమానికి వారి ఉజ్వల భవిష్యత్తుకు దాతలు స్వచ్ఛందంగా ముందుకు వచ్చి ఆర్థిక సహకారం అందజేసి పిల్లలకు కావలసిన వస్తువులను ఉపకరణాలను అందజేయడం హర్షించదగ్గ విషయం అన్నారు.అనంతరం ఫిజియోథెరపీ క్యాంపును పరిశీలించారు.ఈ కార్యక్రమంలో ఎంపీపీ ఎస్ పాఠశాల ప్రధానోపాధ్యాయురాలు శాంతి,సహిత విద్య ఉపాధ్యాయులు షహనాజ్, మియ్యభాష,ఫిజియోథెరపీ వైద్యులు శ్రీధర్,సిబ్బంది రమాదేవి చిన్నారుల తల్లిదండ్రులు పాల్గొన్నారు.