ఘనంగా యూనియన్ బ్యాంక్ 150వ వ్యవస్థాపక దినోత్సవ వేడుకలు..

45 మంది బ్యాంకు ఉద్యోగులు రక్తదానం..

ప్రతి ఏడాది నవంబర్ 11న సామాజిక సేవలలో యూనియన్ బ్యాంక్..

శిబిరాన్ని ప్రారంభించిన రీజనల్ హెడ్ ఎం జి కె మూర్తి

పల్లెవెలుగు వెబ్ ఏలూరు  :  యూనియన్ బ్యాంక్ 105వ వ్యవస్థాపక దినోత్సవాన్ని పురస్కరించుకొని రెడ్ క్రాస్ ఆధ్వర్యంలో స్థానిక ఆర్ఆర్ పేటలోని యూనియన్ బ్యాంక్ రీజినల్ ఆఫీస్ వద్ద ఏర్పాటు చేసిన రక్తదాన శిబిరంలో 45 మంది బ్యాంకు ఉద్యోగులు రక్తదానం చేశారని జిల్లా రెడ్క్రాస్ చైర్మన్ బివి కృష్ణారెడ్డి తెలిపారు.ఈ శిబిరానికి ముఖ్య అతిథిగా రీజనల్ హెడ్ ఎం జి కే మూర్తి హాజరై రక్తదాన శిబిరాన్ని ప్రారంభించారు. ఈ సందర్భంగా మూర్తి మాట్లాడుతూ నవంబర్ 11 యూనియన్ బ్యాంక్ వ్యవస్థాపక దినోత్సవం జరుపుకుంటున్నామని. ప్రతి సంవత్సరం నవంబర్ నెలలో సామాజిక సేవా కార్యక్రమాలు చేస్తామని అందులో భాగంగా రెడ్ క్రాస్ సహకారంతో రక్తదాన శిబిరాన్ని నిర్వహించామని అన్నారు. ఈ సందర్భంగా యూనియన్ బ్యాంక్ అభివృద్ధికి సహకరిస్తున్న కస్టమర్లకు కృతజ్ఞతలు తెలిపారు. ఈ కార్యక్రమంలో డిప్యూటీ రీజినల్ హెడ్ రామ్మోహన్ రావు, కిరణ్ కుమార్, డాక్టర్ ఆర్ఎస్ఆర్కె వరప్రసాదరావు, పి ఆర్ ఓ కె.వి రమణ, బ్యాంకు సిబ్బంది తదితరులు పాల్గొన్నారు.

About Author

PvNews1

See author's posts