ఉరుకుంద ఈరన్న స్వామి శ్రావణమాసం ఉత్సవాలు విజయవంతం
1 min read
ఉత్సవాల విజయానికి సహకరించిన ఆలయ కమిటీ, అధికారులు, సిబ్బంది, పోలీసులకు ప్రత్యేక ధన్యవాదాలు
హొళగుంద న్యూస్ నేడు:ఉరుకుంద ఈరన్న స్వామి ఆలయంలో 2026 శ్రావణమాసం ఉత్సవాలను విజయవంతంగా నిర్వహించడంలో సహకరించిన ప్రతి ఒక్కరికీ ఆలయ పాలకమండలి ఆధ్వర్యంలో ప్రత్యేక ధన్యవాదాలు తెలిపారు. ఉత్సవాల సందర్భంగా భక్తులకు ఎలాంటి ఇబ్బందులు కలగకుండా తాగునీరు, పారిశుధ్యం, విద్యుత్, ట్రాఫిక్ నియంత్రణ తదితర ఏర్పాట్లలో సహకరించిన వివిధ శాఖల అధికారులు, సిబ్బంది, పోలీసు సిబ్బంది, ఆలయ సిబ్బంది, ఉరుకుంద గ్రామస్తులను ఆలయ పాలకమండలి అభినందించింది.ఈ సందర్భంగా ఉత్సవాల విజయవంతానికి కృషి చేసిన అధికారులు, సిబ్బంది, పోలీసు సిబ్బంది, తాగునీటి సిబ్బంది, పారిశుధ్య సిబ్బంది తదితరులను మెమొంటోలు అందజేసి ఘనంగా సన్మానించారు. భక్తుల రద్దీని దృష్టిలో ఉంచుకుని ఏర్పాట్లు చేయడంలో, ట్రాఫిక్ను క్రమబద్ధీకరించడంలో, తాగునీటి సరఫరా, పారిశుధ్య నిర్వహణ, విద్యుత్ సంబంధిత సమస్యల పరిష్కారంలో సహకరించిన వారందరికీ కృతజ్ఞతలు తెలిపారు.ఈ సందర్భంగా ఆలయ పాలకమండలి సభ్యుడు సుధాకర్ మాట్లాడుతూ ప్రతి సంవత్సరం శ్రావణమాసం ఉత్సవాలను ఘనంగా నిర్వహిస్తున్నామని, అదే విధంగా ఈ సంవత్సరం కూడా అందరి సహకారంతో ఉత్సవాలను విజయవంతంగా నిర్వహించగలిగామని తెలిపారు. ఉత్సవాల నిర్వహణలో భాగస్వాములైన ఆలయ పాలకమండలి, ఈవో, ఆలయ సిబ్బంది, పోలీసు సిబ్బంది, వివిధ శాఖల అధికారులు, సిబ్బంది, ఉరుకుంద గ్రామస్తులు, భక్తులందరికీ ప్రత్యేక ధన్యవాదాలు తెలిపారు.ప్రధానంగా ఆలయంలో తాగునీటి సమస్య, ట్రాఫిక్ సమస్య, పారిశుధ్య సమస్య, విద్యుత్ సమస్యలతో పాటు ఇతర సమస్యలను పరిష్కరించేందుకు సమన్వయంతో పనిచేసిన ఆలయ చైర్మన్ టీజీ పాండురంగ శెట్టి, ఆలయ ఈవో వాణి, పాలకమండలి సభ్యులు, సంబంధిత శాఖల అధికారులు, సిబ్బందిని సుధాకర్ అభినందించారు.వచ్చే ఏడాది శ్రావణమాసం ఉత్సవాలను మరింత ఘనంగా నిర్వహించేందుకు ఇప్పటి నుంచే అవసరమైన ఏర్పాట్లపై దృష్టి సారిస్తామని ఆయన తెలిపారు. భక్తులకు మెరుగైన సౌకర్యాలు కల్పించేందుకు ఆలయ పాలకమండలి నిరంతరం కృషి చేస్తుందని పేర్కొన్నారు.ఈ కార్యక్రమంలో ఉరుకుంద ఈరన్న స్వామి ఆలయ కమిటీ చైర్మన్ టీజీ పాండురంగ శెట్టి, ఆలయ ఈవో వాణి, కౌతాళం రూరల్ సీఐ యు. యుగంధర్, పాలకమండలి సభ్యులు అయ్యప్ప, రంగస్వామి, పూజ, సుధాకర్, రవికుమార్, వినోద్, చిదానంద, సత్యరెడ్డి, ఆలయ సిబ్బంది, పోలీసు సిబ్బంది, ఆర్డబ్ల్యూ సిబ్బంది, పారిశుధ్య సిబ్బంది, ఉరుకుంద గ్రామస్తులు తదితరులు పాల్గొన్నారు.
About Author
