సులువాయ్ పాఠశాలల్లో ఎంఈఓ–II పి. కబీర్ సాబ్ తనిఖీ
1 min read
లాంగ్ అబ్సెంటీ విద్యార్థుల హాజరుపై ప్రత్యేక దృష్టి
డొక్కా సీతమ్మ మధ్యాహ్న భోజన పథకం, టెస్ట్ ఫుడ్ పరిశీలన
హొళగుంద న్యూస్ నేడు: హొళగుంద మండలంలోని సులువాయ్ గ్రామంలో ఉన్న జెడ్పీహెచ్ఎస్ సులువాయ్, ఎంపీపీఎస్ సులువాయ్ పాఠశాలలను మండల విద్యాధికారి–II పి. కబీర్ సాబ్ శుక్రవారం సందర్శించి పాఠశాలల్లో విద్యార్థుల హాజరు, విద్యా కార్యక్రమాలు, మధ్యాహ్న భోజన పథకం నిర్వహణను పరిశీలించారు.ఈ సందర్భంగా పాఠశాలల్లో విద్యార్థుల హాజరు పరిస్థితిని సమగ్రంగా పరిశీలించారు. ముఖ్యంగా దీర్ఘకాలంగా పాఠశాలకు హాజరు కాని లాంగ్ అబ్సెంటీ విద్యార్థుల వివరాలను పి. కబీర్ సాబ్ పరిశీలించి, వారు పాఠశాలకు హాజరు కాకపోవడానికి గల కారణాలను సంబంధిత సిబ్బందిని అడిగి తెలుసుకున్నారు.దీర్ఘకాలంగా పాఠశాలకు గైర్హాజరవుతున్న విద్యార్థుల తల్లిదండ్రులతో సంబంధిత ఉపాధ్యాయులు సంప్రదించి, విద్యార్థులను తిరిగి పాఠశాలకు హాజరయ్యేలా చర్యలు తీసుకోవాలని సూచించారు. ప్రతి విద్యార్థి హాజరుపై ప్రత్యేక శ్రద్ధ వహించాలని, గైర్హాజరవుతున్న విద్యార్థుల కుటుంబాలను సంప్రదించి పాఠశాలకు తిరిగి వచ్చేలా అవగాహన కల్పించాలని ఉపాధ్యాయులకు సూచించారు.
మధ్యాహ్న భోజనంపై ప్రత్యేక పరిశీలన
అనంతరం పాఠశాలలో నిర్వహిస్తున్న డొక్కా సీతమ్మ మధ్యాహ్న భోజన పథకం (MDM)*ను పి. కబీర్ సాబ్ పరిశీలించారు. ఈ సందర్భంగా ఈరోజు పాఠశాలలో ఏర్పాటు చేసిన టెస్ట్ ఫుడ్ను పరిశీలించి, విద్యార్థులకు అందిస్తున్న భోజనం నాణ్యత, రుచి, పరిశుభ్రత తదితర అంశాలను పరిశీలించారు.అలాగే ప్రభుత్వం నిర్దేశించిన మెనూ ప్రకారం భోజనం అందిస్తున్నారా లేదా, భోజనం తయారీ విధానం, వంటశాల పరిసరాల పరిశుభ్రత, విద్యార్థులకు భోజనం వడ్డించే విధానం తదితర అంశాలను పరిశీలించారు. విద్యార్థులకు నాణ్యమైన, రుచికరమైన మరియు పరిశుభ్రమైన భోజనం అందేలా అవసరమైన జాగ్రత్తలు తీసుకోవాలని సంబంధిత సిబ్బందికి సూచించారు.పాఠశాలల్లో విద్యార్థుల హాజరు శాతం మెరుగుపరచడం, లాంగ్ అబ్సెంటీ విద్యార్థులను తిరిగి పాఠశాలకు తీసుకురావడం, మధ్యాహ్న భోజన పథకాన్ని నాణ్యతా ప్రమాణాలతో నిర్వహించడం వంటి అంశాలపై పి. కబీర్ సాబ్ సంబంధిత ఉపాధ్యాయులు, సిబ్బందికి అవసరమైన సూచనలు జారీ చేశారు.విద్యార్థుల విద్యాభ్యాసానికి ఎలాంటి ఆటంకాలు లేకుండా చూడడంతో పాటు, విద్యార్థుల హాజరు, విద్యా ప్రమాణాలు, సంక్షేమానికి ప్రాధాన్యత ఇవ్వాలని, ప్రభుత్వం అమలు చేస్తున్న పథకాలు విద్యార్థులకు సక్రమంగా అందేలా నిరంతరం పర్యవేక్షించాలని పి. కబీర్ సాబ్ సూచించారు.
About Author
