గూగుల్ సీఈవో పై పోలీస్ కేసు !
1 min read
పల్లెవెలుగువెబ్ : గూగుల్ సీఈవో సుందర్ పిచాయ్ పై పోలీసు కేసు నమోదైంది. కోర్టు ఆదేశాల మేరకు ముంబై పోలీసులు సుందర్ పిచాయ్ తో పాటు ఐదుగురు కంపెనీ ప్రతినిధులపై కేసు నమోదు చేశారు. ‘ఏక్‌ హసీనా థీ ఏక్‌ దివానా థా’ అనే సినిమాను తన అనుమతి లేకుండా యూట్యూబ్‌లో అప్‌లోడ్‌ చేశారంటూ ఆ సినిమా డైరెక్టర్‌, నిర్మాత అయిన సునీల్‌ దర్శన్‌ కోర్టును ఆశ్రయించారు. ఈ నేపథ్యంలో కోర్టు ఆదేశాల మేరకు యూట్యూబ్‌ ఓనర్‌ కంపెనీ అయిన ‘గూగుల్’ ప్రతినిధుల పేర్లతో ఎఫ్‌ఐఆర్‌ నమోదు అయ్యింది. తన సినిమా హక్కుల్ని ఎవరికీ అమ్మలేదని, అలాంటిది యూట్యూబ్‌లో అప్‌లోడ్‌ చేయడం ద్వారా తనకు నష్టం వాటిల్లిందంటూ ఫిర్యాదుధారి సునీల్‌ చెప్తున్నారు.
About Author
