వైభవం.. విగ్రహప్రతిష్టాపనోత్సవం..
1 min read
పల్లెవెలుగు వెబ్: కర్నూలు నగరంలోని బండిమెట్టలో నూతనంగా నిర్మించిన గంగా భవాని ఆలయం, శివాలయంలో విగ్రహ ప్రతిష్ఠ కార్యక్రమం వైభవంగా జరిగింది. ఈ విగ్రహ ప్రతిష్ఠ కార్యక్రమంలో కర్నూల్ నియోజకవర్గ టిడిపి ఇంచార్జి టిజి భరత్ పాల్గొన్నారు. ఈ సందర్భంగా ఆలయంలో ప్రత్యేక పూజలు చేశారు. ఆ తరువాత పాతబస్టాండ్లో ఉన్న శ్రీశైల దేవస్థాన సత్రములో శివ దీక్ష సేవా సమితి ఆధ్వర్యంలో ఏర్పాటు చేసిన శివస్వాముల అన్నదాన కార్యక్రమంలో పాల్గొన్నారు. శివ స్వాముల కోసం ఉచితంగా అన్నదానం చేయడం సంతోషించదగ్గ విషయమని భరత్ అన్నారు. కార్యక్రమంలో శివస్వాములు పాల్గొన్నారు.
About Author
