నకిలీ ఎన్ఓసీతో.. వక్ఫ్ భూములు కొనరాదు
1 min read
పల్లెవెలుగు వెబ్, కర్నూలు: నకిలీ ఎన్ఓసీలతో వక్ఫ్భూములు కొనరాదని, అలాంటి భూములు కొన్నా, అమ్మినా కేసులు నమోదు చేస్తామని హెచ్చరించారు జిల్లా మైనారిటీ సంక్షేమ అధికారి మరియు జిల్లా అడిషనల్ వక్ఫ్ అధికారి మహబూబ్బాష . ఏపీ వక్ఫ్బోర్డు చీఫ్ ఎగ్జిక్యూటివ్ ఆఫీసర్ విజయవాడ ఆదేశానుసారం వక్ఫ్భూములపై తప్పుడు ఎన్ఓసీ సృష్టించి విక్రయించిన ఓ వ్యక్తిపై 4వ పట్టణ పోలీస్ స్టేషన్లో కేసు నమోదు చేయించినట్లు తెలిపారు. కల్లూరులోని సర్వేనెం.382లో దాదాపు 20 ఎకరాల వక్ఫ్భూమిని ఆక్రమించుకున్న కౌసల్య మేనేజ్మెంట్ అండ్ స్ట్రక్చర్స్ కర్నూల్ ఎగ్జిక్యూటివ్ డైరెక్టర్ కే ప్రవీణ్ కుమార్ తప్పుడు ఎన్ఓసీ సృష్టించి ప్లాట్లు రిజిష్టర్ చేయించుకున్నాడని, అతనిపై ఫిర్యాదు చేశామన్నారు. ప్రవీణ్ కుమార్పై చీటింగ్ కేసు నమోదైందని, ప్రజలు గమనించాలని కోరారు.
About Author
