గుట్కాపై స్పెషల్ డ్రైవ్
1 min read
– రూ.8 లక్షలు విలువ చేసే గుట్కా ప్యాకెట్లు స్వాధీనం
– 120 మంది అరెస్టు
– వివరాలు వెల్లడించిన ఎస్పీ ఫక్కీరప్ప
పల్లెవెలుగు వెబ్, కర్నూలు: నిషేధిత గుట్కా విక్రయదారులపై ఆదివారం కర్నూలు జిల్లా పోలీసులు స్పెషల్ డ్రైవ్ నిర్వహించారు. జిల్లాలోని నియోజకవర్గాలు, మండలాలు, గ్రామాల్లో నిషేధిత గుట్కా విక్రయించే దుకాణాలను జల్లెడ పట్టారు. ఈ దాడుల్లో రూ. 8 లక్షల 70 వేల 214 రూపాయల విలువ గల 36,275 గుట్కా ప్యాకెట్లను స్వాధీనం చేసుకుని 120 మందిని అరెస్టు చేసినట్లు జిల్లా ఎస్పీ కాగినెల్లి ఫక్కీరప్ప వెల్లడించారు. గుట్కాకు సంబంధించి 93 కేసులు నమోదు , ప్రజలు కూడా సహకరించాలని కోరారు. గుట్కా విక్రయాలపై సమాచారాన్ని డయల్ 100 కు అందించాలని, సమాచారం ఇచ్చిన వారి వివరాలు గోప్యంగా ఉంచుతామని జిల్లా ఎస్పీ ఫక్కీరప్ప స్పష్టం చేశారు.
About Author
