శ్రీ మఠంలో భక్తిశ్రద్ధలతో బృందావనానికి గంధ లేపన ఉత్సవం
1 min read
మంత్రాలయం న్యూస్ నేడు : ప్రసిద్ధ పుణ్యక్షేత్రమైన మంత్రాలయం శ్రీ రాఘవేంద్ర స్వామి మఠం లో పీఠాధిపతి శ్రీ సుభుదేంద్ర తీర్థుల ఆధ్వర్యంలో అక్షయ తృతీయ సందర్భంగా చందన ఉత్సవం బుధవారం వైభవంగా నిర్వహించారు. చందన ఉత్సవం వేడుకలు ఊరేగింపుతో ప్రారంభించారు. ఇందులో పవిత్ర గంధపు చెక్క పేస్ట్ ను గర్భ గుడి కు భక్తితో తీసుకువెళ్లారు. పవిత్ర గంధలేపన వేడుక ప్రారంభానికి గుర్తుగా శ్రీ పీఠాధిపతులు శ్రీ సుభుధేంద్ర తీర్థులు గంధానికి మంగళారతి చేశారు.పవిత్ర గంధపు పేస్ట్‌ను శ్రీ రాయర మూల బృందావనానికి ఉత్సవంగా పూశారు గంధలేపనం అనంతరం శ్రీ మఠం ప్రాంగణంలోని శ్రీ మంచాలమ్మ, శ్రీ ప్రాణదేవులు, శ్రీ రుద్రదేవులు ఇతర సాధువుల బృందావనాలకు కూడా ఇలాంటి ఆచారాలు చేశారు.ఈ దివ్య సంప్రదాయాన్ని అనుసరించి, శ్రీ రాఘవేంద్ర స్వామి మూల బృందావనం లోని పవిత్ర సన్నిధిలో దివ్య సన్నిధానం 9వ బ్యాచ్ న్యాయసుధ విద్యార్థుల ఏడుగురు కోసం శ్రీమాన్యసుధ పథాన్ని పూజ్య శ్రీ పీఠాధిపతులు అధికారికంగా ప్రారంభించారు.
About Author
