జగన్ 2.0 సూపర్ యాప్ పోస్టర్ను ఆవిష్కరించిన ఆలూరు ఎమ్మెల్యే
1 min read
డిజిటల్ వేదికగా జగన్ 2.0 యాప్ పార్టీకి కొత్త దిశ – ప్రతి కార్యకర్త యాప్ను డౌన్లోడ్ చేసి ప్రతి ఇంటికి చేర్చాలి
ప్రజా సమస్యల పరిష్కారం, పార్టీ కార్యక్రమాల సమన్వయం, కార్యకర్తల అనుసంధానానికి జగన్ 2.0 యాప్ కీలకం
ఆలూరు న్యూస్ నేడు: వైఎస్సార్ కాంగ్రెస్ పార్టీ అధ్యక్షుడు, మాజీ ముఖ్యమంత్రి వైఎస్ జగన్ మోహన్ రెడ్డి ఆదేశాల మేరకు పార్టీని డిజిటల్ పరంగా మరింత బలోపేతం చేయాలనే లక్ష్యంతో రూపొందించిన “జగన్ 2.0 సూపర్ యాప్” పోస్టర్ను ఆలూరు నియోజకవర్గంలోని చిప్పగిరి మండల పార్టీ కార్యాలయంలో ఆలూరు ఎమ్మెల్యే బుసినే విరూపాక్షి ఆవిష్కరించారు. అనంతరం నాయకులు, కార్యకర్తలకు యాప్ విశిష్టతను వివరించి, ప్రతి ఒక్కరూ తప్పనిసరిగా యాప్ను వినియోగించాలని పిలుపునిచ్చారు.ఈ సందర్భంగా ఎమ్మెల్యే బుసినే విరూపాక్షి మాట్లాడుతూ, జగన్ 2.0 సూపర్ యాప్ కేవలం ఒక మొబైల్ అప్లికేషన్ మాత్రమే కాదని, పార్టీ నాయకులు, కార్యకర్తలు, అభిమానులు, ప్రజలను ఒకే వేదికపైకి తీసుకొచ్చే సమగ్ర డిజిటల్ అనుసంధాన వ్యవస్థ అని పేర్కొన్నారు. సాంకేతికతను సమర్థవంతంగా వినియోగిస్తూ పార్టీని గ్రామ స్థాయి నుంచి రాష్ట్ర స్థాయి వరకు మరింత బలోపేతం చేయడమే ఈ యాప్ ప్రధాన ఉద్దేశమని చెప్పారు.పార్టీ కార్యక్రమాలకు సంబంధించిన అన్ని వివరాలు, తాజా సమాచారాన్ని వెంటనే తెలుసుకునే అవకాశం ఈ యాప్ ద్వారా కల్పించబడిందని, సభ్యత్వ నమోదు, పార్టీ నిర్మాణానికి సంబంధించిన సమాచారం, ప్రజల నుంచి వచ్చే సమస్యల నమోదు, పార్టీ చేపట్టే కార్యక్రమాల సమన్వయం వంటి అనేక సేవలు ఒకే వేదికలో అందుబాటులో ఉంటాయని వివరించారు.రాబోయే రోజుల్లో పార్టీ చేపట్టే ప్రజా ఉద్యమాలు, నిరసన కార్యక్రమాలు, సమావేశాలు, శిక్షణా కార్యక్రమాలు, సభ్యత్వ నమోదు కార్యక్రమాలు, గ్రామ స్థాయి పార్టీ కార్యకలాపాలన్నింటికీ జగన్ 2.0 సూపర్ యాప్ ప్రధాన సమాచార వేదికగా పనిచేస్తుందని ఎమ్మెల్యే తెలిపారు. పార్టీ నిర్ణయాలు, అధిష్ఠానం నుంచి వచ్చే సూచనలు, కార్యక్రమాల వివరాలు నేరుగా కార్యకర్తలకు చేరేలా ఈ యాప్ రూపొందించబడిందని పేర్కొన్నారు.ప్రస్తుతం పార్టీ నిర్వహిస్తున్న డిజిటల్ డైరీ కూడా జగన్ 2.0 సూపర్ యాప్తో అనుసంధానమై ఉంటుందని, దీంతో నాయకులు, కార్యకర్తలకు అవసరమైన సమాచారం ఒకే చోట లభిస్తుందని తెలిపారు. ప్రజలకు సంబంధించిన సమస్యలను వెంటనే నమోదు చేయడం, వాటి పరిష్కార ప్రక్రియను పర్యవేక్షించడం కూడా ఈ యాప్ ద్వారా సాధ్యమవుతుందని వివరించారు.రాజకీయ కక్షసాధింపు చర్యలు, అక్రమ కేసులు, పోలీసుల వేధింపులు, ప్రజా సమస్యలకు సంబంధించిన ఫిర్యాదులను కూడా జగన్ 2.0 సూపర్ యాప్లోనే నమోదు చేసే అవకాశం కల్పించబడిందని ఎమ్మెల్యే తెలిపారు. పార్టీ శ్రేణులు ఎదుర్కొనే ప్రతి సమస్యను అధిష్ఠానం దృష్టికి వేగంగా తీసుకెళ్లేందుకు ఈ యాప్ ఎంతో ఉపయోగపడుతుందని అన్నారు.ప్రతి నాయకుడు, ప్రతి కార్యకర్త, ప్రతి అభిమాని తమ మొబైల్ ఫోన్లో తప్పనిసరిగా జగన్ 2.0 సూపర్ యాప్ను డౌన్లోడ్ చేసుకుని నమోదు చేసుకోవాలని, అలాగే తమ పరిధిలోని ప్రతి గ్రామం, ప్రతి వార్డు, ప్రతి ఇంటికి ఈ యాప్ను చేరవేయాలని పిలుపునిచ్చారు. డిజిటల్ విప్లవాన్ని ప్రజల్లోకి తీసుకెళ్లడంలో వైఎస్సార్ కాంగ్రెస్ పార్టీ కార్యకర్తలు ముందుండాలని సూచించారు.కూటమి ప్రభుత్వ ప్రజా వ్యతిరేక విధానాలు, రాజకీయ కక్షసాధింపు చర్యలు, ప్రజలు ఎదుర్కొంటున్న సమస్యలను ఎప్పటికప్పుడు నమోదు చేసి అధిష్ఠానం దృష్టికి తీసుకెళ్లేందుకు జగన్ 2.0 సూపర్ యాప్ సమర్థవంతమైన వేదికగా ఉపయోగపడుతుందని చెప్పారు. పార్టీ కార్యకర్తలు సోషల్ మీడియా, డిజిటల్ వేదికలను సమర్థంగా వినియోగిస్తూ పార్టీ సిద్ధాంతాలను ప్రజల్లోకి తీసుకెళ్లాలని, పార్టీ బలోపేతానికి ప్రతి ఒక్కరూ బాధ్యతగా పనిచేయాలని ఎమ్మెల్యే పిలుపునిచ్చారు.వైఎస్సార్ కాంగ్రెస్ పార్టీని సాంకేతికంగా మరింత శక్తివంతం చేసి, ప్రజలతో నేరుగా అనుసంధానం పెంచేందుకు రూపొందించిన ఈ యాప్ను విజయవంతం చేయడంలో ప్రతి కార్యకర్త భాగస్వామి కావాలని, రాబోయే రాజకీయ పోరాటాలకు సిద్ధంగా ఉండాలని ఆయన సూచించారు.ఈ కార్యక్రమంలో మండల కన్వీనర్, కో-కన్వీనర్, రాష్ట్ర కమిటీ సభ్యులు, జిల్లా కమిటీ సభ్యులు, నియోజకవర్గ కమిటీ సభ్యులు, మండల కమిటీ సభ్యులు, వైస్ ఎంపీపీలు, మాజీ సర్పంచులు, మాజీ ఎంపీటీసీలు, వైఎస్సార్ కాంగ్రెస్ పార్టీ నాయకులు, కార్యకర్తలు, బీవీఆర్ అభిమానులు, పార్టీ అనుబంధ విభాగాల అధ్యక్షులు, సభ్యులు, వివిధ గ్రామాల పార్టీ ప్రతినిధులు, యువజన, మహిళ, విద్యార్థి, రైతు విభాగాల నాయకులు తదితరులు పెద్ద సంఖ్యలో పాల్గొన్నారు.
About Author
