రవితేజ ‘రావణాసుర’ ఫస్ట్ లుక్ రిలీజ్
1 min read
పల్లెవెలుగు వెబ్: మాస్ మహారాజా రవితేజ ప్రస్తుతం సుధీర్ వర్మ దర్శకత్వంలో ఓ సినిమా చేస్తున్నాడు. ఈ చిత్రానికి ‘రావణాసుర’ అనే టైటిల్‌ను ఖరారు చేశారు. తాజాగా ఈ సినిమాకి సంబంధించి ఫస్ట్ లుక్‌ను రిలీజ్ చేశారు. పోస్టర్‌లో రవితేజ గంభీరంగా కనిపిస్తున్నాడు. రావణుడి మాదిరి పది తలలతో… పుర్రెను పోలిన సింహాసనంపై సూటు బూటు వేసుకుని కూర్చున్నాడు. సింహాసనం రక్త ధారలతో తడిసి ఉంది. అయితే ఇంత వరకు రవితేజ చేసిన సినిమాలకు.. ఈ చిత్రం పూర్తి భిన్నంగా ఉండే అవకాశం ఉంది. సాధారణంగా కామెడీతో కూడిన యాక్షన్ సినిమాలకు పెట్టింది పేరు రవితేజ. అయితే పోస్టర్‌లో రవితేజ లుక్‌ను బట్టిచూస్తే.. పూర్తిగా యాక్షన్ ఎంటర్‌టైన్ మెంట్‌గా సినిమా ఉండే అవకాశం ఉంది. త్వరలోనే ఈ సినిమా పట్టాలెక్కనున్నట్లు సమాచారం.
About Author
