‘మహానంది’ ఆలయ ఉద్యోగుల మధ్య ఘర్షణ.. ఆలస్యంగా వెలుగులోకి …!
1 min read
పల్లెవెలుగు వెబ్, మహానంది: ప్రసిద్ధ పుణ్యక్షేత్రమైన మహానందిలో ప్రతి రోజు ఉదయం, సాయంత్రం వేళల్లో స్వామి అమ్మవార్లకు ప్రత్యేక పూజలు నిర్వహిస్తారు. ఆ సమయంలో క్షేత్రంలోని ప్రధాన ఆలయంలో ఢమరుకం మోగించడం ఆనవాయితీ. కాగా ఆ డమరుకం కొన్ని రోజుల నుంచి పనిచేయడం లేదు. దీని మరమ్మతు విషయమై ఇద్దరి ఉద్యోగుల మధ్య వివాదం నెలకొన్నట్లు సమాచారం. మరమ్మతు పూర్తి అయిన తరువాత ఓ ఆలయ అధికారి ముందే ఇద్దరు ఉద్యోగులు ఘర్షణ పడగా… ఒకరిని మందలించి బయటకు పంపినట్లు విశ్వసనీయ సమాచారం. అధికార పార్టీ నాయకుల జోక్యంతో… ఆ విషయం గోప్యంగా ఉంచినట్లు భక్తులు పేర్కొంటున్నారు. ఈ విషయం మహానందిలో ప్రధాన చర్చనీయాంశంగా మారింది.
About Author
