శ్రీశైలమల్లన్న హుండీల లెక్కింపు.. రూ.4.69 కోట్లు
1 min read
పల్లెవెలుగు వెబ్, శ్రీశైలం: శ్రీ భ్రమరాంబ మల్లికార్జున స్వామి వెలిసిన శ్రీ శైలం దేవస్థాన హుండీలను శనివారం సాయంత్రం లెక్కించారు. 39 రోజులలో భక్తులు సమర్పించిన కానుకలను ఆలయ ఈఓ లవన్న ఆధ్వర్యంలో హుండీలను లెక్కించగా రూ. 4,69,85,974/-లు నగదు రాబడిగా లభించింది. అంతేకాక 333 గ్రాముల బంగారం మరియు 8 కేజీల 800 గ్రాముల వెండి లభించాయి.
అదేవిధంగా 159 యు.ఎస్.ఏ డాలర్లు,15 కెనడా డాలర్లు, 1500 యూరోస్, 115 ఇంగ్లాండ్ డాలర్లు. 15 కెనడా డాలర్లు, 13 కువైట్ దిర్హమ్స్, 3 కత్తార్ రియాల్స్, 2 సింగపూర్ డాలర్లు మొదలైన విదేశీ కరెన్సీ కూడా ఈ హుండీల లెక్కింపులో లభించాయి. పటిష్టమైన భద్రతా ఏర్పాట్ల మధ్య సీసీ కెమెరాల నిఘాతో ఈ లెక్కింపును చేపట్టడం జరిగింది. దేవస్థాన అన్ని విభాగాల అధికారులు, సిబ్బంది మరియు శివసేవకులు ఈ హుండీ లెక్కింపులో పాల్గొన్నారు.
About Author
