బీసీసీఐ డాక్టర్స్ ప్యానెల్కి ఎంపికైన కర్నూలు రిటైర్డు జేసీ తనయుడు..
1 min read
పల్లెవెలుగు వెబ్, కర్నూలు: బీసీసీఐ దేశవ్యాప్త క్రికెట్ టోర్నమెంట్స్ అయిన ముస్తాఖ్ ఆలీ టీ20, రంజి, విజయ్ హజారె తదితర ట్రోపీలకు డాక్టర్స్ ప్యానెల్స్కు రిటైర్డు జాయింట్ కలెక్టర్ శ్రీ సయ్యద్ ఖాజా మొహిద్దీన్ పెద్ద కుమారుడు డాక్టర్ జావిద్ ఎంపికయ్యారు. ప్రస్తుతం డా. జావెద్ హైదరాబాద్ అపోలో ఫ్యామిలీ మెడిసిన్ స్పెషలిస్ట్గా విధులు నిర్వర్తిస్తున్నారు. ఈ నెల 16 నుంచి ఢిల్లీలో జరగబోయే నాకౌట్ దశల నుంచి ఆయన బాధ్యతలు స్వీకరించబోతున్నారు. ఇందుకు శుక్రవారం సాయంత్రం ఆయన ఢిల్లీ చేరుకున్నారు.
ఈ సందర్భంగా డా. జావెద్ మాట్లాడుతూ.. చిన్న తనం నుంచి నేను క్రికెట్ వీరాభిమానిని. డాక్టర్గా బీసీసీఐలో భాగమైనందుకు చాలా సంతోషంగా ఉంది. నిజాయితీతో నా విధులను నిర్వహించడానికి సిద్ధంగా ఉన్నానన్నారు.
About Author
