మ‌హ‌ర్షికి జాతీయ అవార్డు
1 min read
మ‌హేష్ బాబు న‌టించిన బ్లాక్ బ‌స్టర్ సినిమా మ‌హ‌ర్షికి జాతీయ అవార్డులు ద‌క్కాయి. 67వ జాతీయ చ‌ల‌న చిత్ర అవార్డులు కేంద్ర ప్రభుత్వం ప్రక‌టించింది. ఈ సినిమాకు రెండు జాతీయ అవార్డులు వ‌చ్చాయి. కొరియోగ్రాఫ‌ర్ రాజు సుంద‌రంకు ఉత్తమ కొరియోగ్రఫీ విభాగంలో జాతీయ అవార్డు ల‌భించింది. అలాగే ఉత్తమ వినోదాత్మక చిత్రంగా మహర్షి చిత్రం ఎంపికైంది. ఈ సంద‌ర్భంగా చిత్ర ద‌ర్శకుడు వంశీ పైడిప‌ల్లి విలేకరుల స‌మావేశం నిర్వహించారు. మహర్షి సినిమాకి రెండు జాతీయ అవార్డులు రావ‌డం చాలా ఆనందంగా ఉంద‌ని అన్నారు వంశీ పైడిప‌ల్లి. జాతీయ స్థాయిలో గుర్తింపు రావ‌డం గ‌ర్వకార‌ణంగా ఉంద‌న్నారు. ఈ సినిమా క్రెడిట్ మ‌హేష్ బాబుకే ద‌క్కుతుంద‌ని అన్నారు. ఆయ‌న క‌థ‌ను న‌మ్మి సినిమాకు ఒప్పుకోవ‌డం కార‌ణంగానే .. అనుకున్న స్థాయిలో సినిమా తీసుకొచ్చామ‌ని చెప్పారు. మ‌హేష్ బాబు స‌హ‌కారం లేనిదే .. ఈ చిత్రం ఈ స్థాయిలో ప్రశంస‌లు అందుకోలేద‌ని అన్నారు.
About Author
