హెలికాప్టర్ ప్రమాదం.. బ్లాక్ బాక్స్ ల‌భ్యం !
1 min read
పల్లెవెలుగు వెబ్ :త‌మిళ‌నాడులోని కున్నూరు వ‌ద్ద జ‌రిగిన హెలీకాప్టర్ ప్రమాదంలో సీడీఎస్ బిపిన్ రావ‌త్ తో పాటు 12 మంది మృతి చెందిన విష‌యం తెలిసిందే. ప్రమాదానికి గ‌ల కారణాలేంటో తెలుసుకోవడానికి హెలికాప్టర్‌‌లో ఉండే బ్లాక్బాక్స్ కోసం ఢిల్లీ నుంచి వచ్చిన ఫోరెన్సిక్‌ బృందాలు వెతికాయి. ప్రమాదానికి 30 అడుగుల దూరంలో బ్లాక్బాక్స్ లభ్యమైంది. ఆ బాక్స్ను ఆర్మీ అధికారులు స్వాధీనం చేసుకున్నారు. అనంతరం బ్లాక్‌బాక్స్‌ను డీ-కోడింగ్‌ కోసం ఢిల్లీ ఎయిర్‌ఫోర్స్‌ నిపుణుల బృందం తీసుకెళ్లింది. కాగా.. ఇవాళ ఉదయం నుంచి వింగ్‌ కమాండర్‌ భరద్వాజ్‌ ఆధ్వర్యంలో బ్లాక్బాక్స్ కోసం సెర్చింగ్‌ జరిగింది. అయితే ఈ బ్లాక్బాక్స్ డీ కోడ్ చేస్తే అసలు ప్రమాదం ఎలా జరిగింది..? క్రాష్ అవ్వడానికి అరగంట ముందు ఏం జరిగింది..? అనే విషయాలు తెలుస్తాయి.
About Author
