దావుద్ హిట్ లిస్ట్ లో ప్రముఖులు !
1 min read
ప‌ల్లెవెలుగువెబ్ : అండ‌ర్ వ‌ర‌ల్డ్ డాన్ దావూద్ ఇబ్రహీం భారత దేశంపై దాడి చేసేందుకు ప్రత్యేకంగా ఓ విభాగాన్ని ఏర్పాటు చేసినట్లు జాతీయ దర్యాప్తు సంస్థ వెల్లడించింది. ఈ గ్యాంగ్‌స్టర్ హిట్ లిస్ట్‌లో భారత దేశ రాజకీయ నేతలు, ప్రముఖ వ్యాపారవేత్తలు ఉన్నట్లు తెలిపింది. దేశంలోని వివిధ ప్రాంతాల్లో హింసను రెచ్చగొట్టేందుకు ప్రాణాంతక ఆయుధాలు, పేలుడు పదార్థాలతో దాడులు నిర్వహించాలని కుట్ర పన్నినట్లు వివరించింది. దేశంలోని వివిధ ప్రాంతాల్లో దాడులు చేయడంతోపాటు ముఖ్యంగా ఢిల్లీ, ముంబైలపై దావూద్ ఇబ్రహీం దృష్టి పెట్టినట్లు తెలిపింది. వివిధ మతాల మధ్య ఘర్షణలను సృష్టించాలని ప్రయత్నిస్తున్నట్లు పేర్కొంది. ఈ మేరకు ఓ ప్రథమ సమాచార నివేదికను నమోదు చేసింది.
About Author
