మీరు చేసేది వ్యాపారం కాదా ?.. చిన్నజీయర్ స్వామి పై సీతక్క ఫైర్ !
1 min read
ప‌ల్లెవెలుగువెబ్ : సమ్మక్క, సారాల‌మ్మ పై అనుచిత వ్యాఖ్య‌లు చేసిన చిన్నజీయర్ స్వామి పై కాంగ్రెస్ ఎమ్మెల్యే సీతక్క మండిపడ్డారు. ‘‘మా తల్లులది వ్యాపారమా?… మీరు సమాతామూర్తి విగ్రహం ఏర్పాటుతో చేసింది వ్యాపారమా?… మా దేవతల దర్శనానికి ఒక్క రూపాయి కూడా టికెట్ లేదు, కానీ మీరు పెట్టిన 120 కిలోల బంగారం గల సమతామూర్తి విగ్రహం చూడ్డానికి 150 రూపాయలు టికెట్ ధర పెట్టారు. ఎవరిది వ్యాపారం?… మీది బిజినెస్, సమ్మక్క సారలమ్మ తల్లి దగ్గర ఇలాంటి వ్యాపారం జరగదు’’ అని సీతక్క అన్నారు. లక్ష రూపాయలు తీసుకోకుండా ఏవరైనా పేద వారి ఇంటికి వెళ్ళారా? అని ప్రశ్నించారు. చిన్నజీయర్ వ్యాఖ్యలపై తెలంగాణ ప్రభుత్వం వెంటనే స్పందించాలని, రియల్ ఎస్టేట్ స్వామి అయిన చిన్న జీయర్ స్వామికి తగిన బుద్ధి చెప్పాలని సీతక్క డిమాండ్ చేశారు.
About Author
