హోటళ్ల యజమానులు సహకరించాలి
1 min read
– ఎస్ఐ శ్రీనివాసులు రెడ్డి
పల్లెవెలుగు వెబ్, చెన్నూరు : కరోనా విజృంభిస్తున్న నేపథ్యంలో శనివారం రాత్రి 10 గంటల నుంచి మరుసటి రోజు తెల్లవారు జామున 5 గంటల వరకు హోటళ్లు, బంకులు మూసివేయాలని ఎస్ఐ వి. శ్రీనివాసులు రెడ్డి సూచించారు. ఎస్పీ ఉత్తర్వుల మేరకు శనివారం హోటళ్లు, బంకుల యజమానులకు అవగాహన సదస్సు నిర్వహించారు. రాత్రి పది గంటల తర్వాత ఎవరు కూడా హోటల్లు నిర్వహించ రాదని, కేవలం పార్సిల్ మాత్రమే పెట్టుకోవాలన్నారు. కరోనా సెకండ్ వేవ్లో కేసులు విపరీతంగా పెరిగిపోతున్నాయని, ఇప్పటికే ఎంతో మంది మృతి చెందారన్నారు. ప్రతిఒక్కరూ మాస్క్ ధరించాలని, శానిటైజర్ వాడుతూ భౌతిక దూరం పాటించాలన్నారు.
About Author
