పవన్ మాల.. 41 రోజుల దీక్ష !
1 min read
ప‌ల్లెవెలుగువెబ్ : వేంకటేశ్వరస్వామి మాల, శివ మాల, అయ్యప్ప దీక్ష, హనుమాన్‌ దీక్ష, దసరా సమయంలో అమ్మవారి దీక్ష తీసుకోవడం తెలుసు కానీ ఈ పవన్ మాల ఏంటి అనుకుంటున్నారా? అవును ఫస్ట్‌ టైమ్‌ ఓ సినిమా హీరో, రాజకీయ నాయకుడి కోసం అభిమానులు దీక్ష తీసుకోవడం విచిత్రంగా ఉంది . పశ్చిమ గోదావరి జిల్లా పాలకొల్లుకు, విజయవాడకు చెందిన పవన్‌కల్యాణ్‌ అభిమానులు తమ హీరో, నాయకుడు అయిన పవన్ కళ్యాణ్‌ 49వ జన్మదినోత్సవం సందర్భంగా ‘పవన్ మాల’ పేరుతో దీక్షను స్వీకరించారు. హిందు, ముస్లిం, క్రైస్తవ మతాలకు చెందిన డాలర్‌లతో కూడిన మాలలను, ఎర్ర కండువాను ధరించి, శక్తి కొద్దీ 41, 21 రోజులపాటు దీక్ష చేయనున్నారు. మండల కాలంపాటు పవన్ కళ్యాణ్‌ కార్యక్రమాలను, ఆయన ఆశయాలను ప్రజల్లోకి తీసుకెళ్లి ఆయన రాజకీయాల్లో విజయం సాధించేలా ప్రచారం చేస్తామని మాలధారులు ప్రతిజ్ఞ చేశారు. చిత్తశుద్థితో కఠినమైన దీక్షను అనుసరిస్తామని పవన్‌కల్యాణ్‌ చేసే ప్రజా ేసవను స్పూర్తిగా తీసుకుని తాము కూడా సేవలు చేస్తామని ప్రకటించారు.
About Author
