అల్లా దీవెనలు కర్నూలు ప్రజలపై ఉండాలి.. టిజి భరత్
1 min read
పల్లెవెలుగు వెబ్ కర్నూలు: అల్లా దీవెనలు కర్నూలు ప్రజలపై ఎప్పుడూ ఉండాలని తాను కోరుకున్నట్లు కర్నూలు నియోజకవర్గ తెలుగుదేశం పార్టీ ఇంచార్జి టిజి భరత్ అన్నారు. ఇఫ్తార్ విందులో పాల్గొనడం సంతోషంగా ఉందని ఆయన తెలిపారు. నగరంలోని కొత్తపేటలో ఉన్న ఆల్మాస్ మసీదును సందర్శించారు. రోజా దీక్షలో ఉన్న ముస్లిం సోదరులకు పండ్లు తినిపించి దీక్షను విరమింప చేశారు. అనంతరం వారితో కలిసి ప్రత్యేక ప్రార్థనలు చేశారు. అనంతరం షోయబ్ ఏర్పాటుచేసిన ఇఫ్తార్ విందులో పాల్గొన్నారు. ఈ సందర్భంగా ఆయన మాట్లాడుతూ పవిత్రమైన రంజాన్ మాసంలో మసీదులు సందర్శించడం ఎంతో సంతోషంగా ఉందన్నారు. అల్లా దయతో ప్రజలందరూ సంతోషంగా జీవించాలని కోరుకుంటున్నట్లు చెప్పారు. ఈ కార్యక్రమంలో షోయబ్, మన్సూర్ ఆలీఖాన్, మెహబూబ్ ఖాన్, ఇబ్రహీం, యూనుస్ బాషా, మనీష్ నాయుడు, గణేష్, విక్రమ్ సింగ్, తదితరులు పాల్గొన్నారు.
About Author
