సుంకులమ్మ తల్లి దేవరలో పాల్గొన్న టిజి భరత్
1 min read
పల్లెవెలుగు వెబ్ కర్నూలు: కర్నూలు నగరంలోని బిర్లాగడ్డలో ఉన్న సుంకులమ్మ గేరు దేవరలో కర్నూలు నియోజకవర్గ తెలుగుదేశం పార్టీ ఇంచార్జి టిజి భరత్ పాల్గొన్నారు. సుంకులమ్మ అమ్మవారిని దర్శించుకుని ప్రత్యేక పూజలు చేశారు. అనంతరం ఆయన మాట్లాడుతూ గ్రామాల మాదిరిగానే నగరాల్లో కూడా దేవరలు చేయడం మంచి కార్యక్రమం అన్నారు. గ్రామాల్లో జరిగే విధంగానే వైభవంగా సుంకులమ్మ దేవర నిర్వహించాలని ఆయన నిర్వాహకులకు సూచించారు. భవిష్యత్తులో నిర్వహించే సుంకులమ్మ దేవరకు తమ సహకారం ఉంటుందన్నారు. ఈ కార్యక్రమంలో వార్డు ఇంచార్జి రాజశేఖర్ యాదవ్, మహేష్, చరణ్, ఆలయ కమిటీ సభ్యులు మధు, మద్దిలేటి, వార్డు నాయకులు సత్యరాజ్, మద్దిలేటి, శ్రీను, సుధాకర్ రెడ్డి, తదితరులు పాల్గొన్నారు.
About Author
