పోలీసులు ఆరోగ్యంగా ఉండాలి
1 min read
– నగర ఎమ్మెల్యే ఎంఏ హఫీజ్ఖాన్
– టౌన్ సీఐలకు.. ఆక్సిజన్ కాన్సంట్రేటర్లు అందజేత
పల్లెవెలుగు వెబ్, కర్నూలు : కరోన సమయంలో పోలీసులు, మున్సిపాలిటీ, రెవెన్యూ, ప్రభుత్వ అత్యవసర ఉద్యోగులు ప్రజలకు సేవలు అందిస్తున్నారని, వారందరికీ ప్రజలు రుణపడి ఉంటారని నగర ఎమ్మెల్యే ఎంఏ హఫీజ్ఖాన్ అన్నారు. బుధవారం స్థానిక రాయల్ ఫంక్షన్ హాల్లో నగరంలోని టౌన్ సీఐలకు ఆక్సిజన్ కాన్సంట్రేటర్లును ఎమ్మెల్యే అందజేశారు. ఈ సందర్భంగా ఎమ్మెల్యే మాట్లాడుతూ కుటుంబాలకు దూరంగా ఉంటూ.. కరోన క్లిష్టపరిస్థితుల్లో సేవలు అందిస్తున్నారని, వారికి జగనన్న మైల్డ్ కేర్ సెంటర్ నుంచి ఆక్సిజన్ కాన్సంట్రేటర్స్ అందజేశామన్నారు. ఎవరైనా.. సరే జగనన్న ఆక్సిజన్ బ్యాంక్ ద్వారా ఆక్సిజన్ కాన్సంట్రేటర్స్ పొందవచ్చన్నారు. ప్రతిఒక్కరూ కరోనా జాగ్రత్తలు పాటించాలని సూచించారు. కార్యక్రమంలో పోలీసు సిబ్బంది, అధికారులు పాల్గొన్నారు.
About Author
