ఆటో డ్రైవర్లు… జాగ్రత్తగా నడపాలి
1 min read
– ఎస్ఐ విజయలక్ష్మి
పల్లెవెలుగు వెబ్, ఆదోని రూరల్: డ్రైవింగ్ సమయంలో జాగ్రత్తలు తీసుకుంటూ.. ట్రాఫిక్కు సహకరించాలని ఆటో డ్రైవర్లకు ఎస్ఐ విజయలక్ష్మి కోరారు. గురువారం ఆదోని మండలం కపటి గ్రామంలో ఆటోడ్రైవర్లకు అవగాహన సదస్సు నిర్వహించారు. ఎస్పీ కాగినెల్లి ఫక్కీరప్ప ఆదేశాల మేరకు నిర్వహించిన సదస్సులో ఎస్ఐ విజయలక్ష్మి పలు సలహాలు, సూచనలు ఇచ్చారు. రోడ్లపై ఎక్కడబడితే అక్కడ ఆటోలను నిలుపరాదని, ప్రయాణికులను జాగ్రత్తగా వారి వారి గమ్యస్థానాలకు చేర్చాలన్నారు. రోడ్డు ప్రమాదాల నియంత్రణకు ఆటో డ్రైవర్లు సహకరించాలన్నారు. ట్రాఫిక్రూల్స్ పాటించని డ్రైవర్లపై చట్టపరమైన చర్యలు తీసుకుంటామని ఈ సందర్భంగా ఎస్ఐ విజయలక్ష్మి హెచ్చరించారు.
About Author
