వ్యాక్సిన్ వేసుకోక‌పోతే అరెస్ట్ !
1 min read
ప‌ల్లెవెలుగు వెబ్: ఫిలిప్పీన్స్ దేశ అధ్యక్షుడు రోడ్రిగో వ్యాక్సిన్ వేసుకోని వారి పై క‌ఠిన ఆంక్షలు విధించారు. ఫిలిప్పీన్స్ దేశంలో ఉండాలంటే.. వ్యాక్సిన్ త‌ప్పనిస‌రిగా వేసుకోవాల‌ని ఆ దేశ ప్రజ‌ల‌కు సూచించారు. లేదంటే ఇండియానో.. అమెరికానో పారిపోవాల‌ని చెప్పారు. దేశం క్లిష్ట ప‌రిస్థితుల్లో ఉంద‌ని, ప్రతి ఒక్కరూ వ్యాక్సిన్ వేసుకోవాల‌ని కోరారు. వ్యాక్సిన్ వేసుకోని వారిని అరెస్ట్ చేస్తామ‌ని హెచ్చరించారు. దేశం క్లిష్ట ప‌రిస్థితుల్ని ఎదుర్కొంటోంద‌ని, వ్యాక్సిన్ వేసుకోకుండా మ‌రింత ఇబ్బందిక‌ర ప‌రిస్థితులు తీసుకురావొద్దని దేశ ప్రజ‌ల‌ను కోరారు. పిలిప్ఫిన్స్ లో ఉండాలంటే ఖ‌చ్చితంగా వ్యాక్సిన్ వేసుకోవాల‌ని చెప్పారు. గ‌తంలో లాక్ డౌన్ నిబంధ‌న‌లు అతిక్రమిస్తే… కాల్చిపారేస్తాం అంటూ వివాదాస్పద వ్యాఖ్యలు చేశారు ఫిలిప్పీన్స్ దేశ అధ్యక్షుడు రోడ్రిగో.
About Author
