విజేతలను ఏపీ పికిల్ బాల్ అసోసియేషన్ సెక్రటరీ శ్రీ యన్ శ్రీధర్ అభినందనలు
1 min read
హైదరాబాద్ ర్యాంకింగ్ టోర్నమెంట్ లో చింతగింజల శివ మరియు సూర్య ఆకాశ్ లకు రజతం
పల్లెవెలుగు వెబ్ హైదరాబాద్: నగరంలోని కోంపల్లి ది హబ్ పికిల్ బాల్ ఎరీనాలో జరిగిన పికిల్ బాల్ ఓపెన్ ర్యాంకింగ్ టోర్నమెంట్ లో ఎకెటిపియం పాఠశాల బయాలజీ ఉపాధ్యాయుడు శ్రీ సి హెచ్ శివ మరియు సూర్య ఆకాశ్ మెన్ 35+ స్ప్లిట్ డబుల్స్ విభాగంలో ఫస్ట్ రన్నర్ అప్ గా నిలిచి సిల్వర్ మెడల్ సాధించారు. రౌండ్ రాబిన్ ప్లస్ నాకౌట్ పద్దతిలో జరిగిన ఈ టోర్నీ లో నాలుగు రౌండ్లు ఆడి గ్రూప్ టాపర్ గా నిలిచి నాకౌట్ దశకు అర్హత సాధించారు. సెమీఫైనల్లో ఈ జోడీ సునీల్ బోత్రా మరియు సాహిల్ బాఫ్నా ద్వయంపై గట్టి పోటీనెదుర్కొని 15-13 స్కోర్ తో గెలిచి ఫైనల్ లోకి అడుగు పెట్టారు. ఆద్యంతం ఉత్కంఠ భరితంగా జరిగిన ఫైనల్లో శివ మరియు సూర్య ల జోడీ శ్రీధర్ మరియు శ్రీ చరణ్ ల జోడీ చేతిలో స్కోర్ 14-14, టై కావడంతో గోల్డెన్ పాయింట్ తో ఓడి తృటిలో బంగారు పతకం చేజారి, రజత పతకం సాధించడం జరిగింది. గెలుపొందిన విజేతలను ఆంధ్రప్రదేశ్ పికిల్ బాల్ అసోసియేషన్ సెక్రటరీ శ్రీ యన్ శ్రీధర్ అభినందించారు. కొసమెరుపు ఏమిటంటే డబుల్స్ బంగారు పతక విజేతలలో శ్రీధర్ కూడా ఉండటం విశేషం.
About Author
