‘అనితర’ సాధ్యుడు...డా. చంద్రశేఖరుడు...!

శ్రమించాడు… సాధించాడు…

సక్సెస్ఫుల్ డాక్టర్గా పేరుగాంచాడు…
చదివిన కళాశాలలోనే.. ప్రిన్సిపాల్గా ఎదిగాడు…
కళాశాలను… ప్రభుత్వ ఆస్పత్రిని అభివృద్ధి వైపు పరుగులు పెట్టించాడు
ఎందరికో ఆదర్శం… మరెందరికో స్ఫూర్తి…
వేలాది మంది గుండె హృద్రోగులకు… ప్రాణదాతగా నిలిచాడు..
వైద్యవిద్యార్థులకు దిక్సూచి…

“పరోపకారం ఇధం శరీరం అన్నారు పెద్దలు. పదుగురికి ఉపకరించని ఈ తనువెందుకు? నలుగురికి శ్రేయస్సుకు పాటు పడని… ఈ జన్మెందుకు…? అని తన తండ్రి నిత్యం చెప్పేవాడు. వేలాది మందికి విద్యాదానం చేస్తున్న తన తండ్రి …దాతృత్వ భావనను చిన్ననాటి నుంచే అలవర్చుకున్న డా. పి. చంద్రశేఖర్… ఎందరికో ఆదర్శంగా… స్ఫూర్తిగా నిలిచారు. వైద్యరంగంలో అత్యుత్తమ సేవలు అందించి…. వేలాది మంది గుండె హృద్రోగులకు ప్రాణదాతగా నిలిచారు…. సక్సెస్ఫుల్ డాక్టర్గా పేరుగాంచాడు.

పల్లెవెలుగు: కర్నూలు మెడికల్ కళాశాలలో… ప్రభుత్వ సర్వజన ఆస్పత్రిని తనదైన శైలిలో అభివృద్ధి చేసిన కార్డియాలజిస్ట్ డా. పి. చంద్రశేఖర్… రాష్ట్ర గవర్నర్తోపాటు మరెందరో మన్ననలు చూరగొన్నారు. కర్నూలు ప్రభుత్వ సర్వజన ఆస్పత్రిలో సూపర్ స్పెషాలిటీ కార్డియాలజీ విభాగం, హెచ్ఓడి, కర్నూలు హార్ట్ అండ్ మల్టీ స్పెషాలిటీ సెంటర్ అధినేత డాక్టర్ పి. చంద్రశేఖర్..తన జీవిత విజయ ప్రస్థానంలోని పలు విశేషాల సమాహారం… పల్లెవెలుగు పాఠకులకు…. ప్రత్యేకం….

స్వగతం:

పూర్తి పేరు: డాక్టర్ పి. చంద్రశేఖర్

తల్లిదండ్రులు: లక్ష్మణ్ దాస్ యాదవ్ , బిఏబిఇడి, సావిత్రమ్మ దంపతులు

స్వస్థలం : ప్యాలకుర్తి, కోడుమూరు నియోజకవర్గం, కర్నూలు జిల్లా

కుటుంబ నేపథ్యం:

వారిది సామాన్య మధ్య తరగతి కుటుంబం.తన తండ్రి ప్రభుత్వ ఉపాధ్యాయుడిగాపని చేసే వారు. అమ్మ గృహిణిగా ఉంటూ కుటుంబ కార్యకలాపాల నిర్వర్తణలో చేదోడు వాదోడుగాఉండే వారు.

కుటుంబం:

వారికి 22.02.1986లో వివాహమైంది. తన జీవిత సహధర్మచారిణి పేరు వై. రాధిక. వారిది పెద్దలు కుదుర్చిన వివాహం. వారికి ఇద్దరు సంతానం. ఇద్దరూ అమ్మాయిలే. వారి పెద్ద కూతురు పేరు డాక్టర్ స్నేహ. తాను ఎంబిబిఎస్, ఎంఎంఎస్ చదివి అసిస్టెంట్ ప్రొఫెసర్గా విధులు నిర్వర్తిస్తున్నారు. వారి అల్లుడు పేరు కె.హేమంత్ కుమార్. తాను ఎండిడిఎం చదివి న్యూరాలజి వైద్యనిపుణుడు. వారి చిన్నమ్మాయి పేరు సౌఖ్య. తాను బిబిఏ కోర్సు చేసి, యు .కె.లో ఎంబిఏ కోర్సు చేస్తున్నారు. స్కాట్లాండ్లో ఫైనాన్స్ అండ్ అకౌంట్స్ విభాగంలో ఉన్నత విద్యలను అభ్యసించారు.

స్ఫూర్తి… ఆదర్శం..:

భాషా పండితుడిగా కొనసాగుతూ… ఎందరెందరో విద్యార్థుల జీవితాలను తీర్చిదిద్దిన తన తండ్రే తనకు స్ఫూర్తి ప్రదాత అంటారాయన. దివంగత మాజీ రాష్ట్రపతి అబ్దుల్ కలాం తనకు ఆదర్శం. ఎందుకంటే… ఓ సామాన్య వ్యక్తి . దేశం మెచ్చదగిన శాస్ర్తవేత్తగా మారి, ఆ తరువాత.. దేశానికే రాష్ట్రపతి కాగలిగిన ఘనత అబ్దుల్ కలాందే. అందుకే ఆయనే తనకు ఆదర్శమని చెబుతారు.

సేవ చేయాలనే..తపన…:

పదో తరగతిలో ఎన్సీసీ, ఎన్ఎస్ఎస్లో చేరిన తాను… ప్రజలకు సేవ చేయాలనే తపన అప్పటి నుంచే అలవర్చుకున్నారు. ఏ పనైనా క్రమశిక్షణ, పట్టుదల..బాధ్యతతో పూర్తి చేయడం అలవాటుగా మార్చుకున్నారు. అప్పుడే జీవితంలో సక్సెస్ రుచి ఏమిటో చూస్తారని నిస్పష్టంగా చెప్పారు.

పెద్దలతో… నేర్చుకున్నవి…:

వైద్యవృత్తిలో రాణించిన తాను సామాన్యుడి విలువ తెలుసుకుని… ప్రజా సేవ చేయాలని తన పెద్దలతో నేర్చుకున్నారు. ఇతరులతో అప్పు చేయరాదు. కమ్యూనిస్టు భావజాలం ఉన్న తాను.. పదిమందిని ఆదుకొని.. సేవ చేయాలని ఆకాంక్షిస్తూనే ఉన్నారు.

లక్ష్యం…:

పేద వాడికి కార్పొరేట్ స్థాయిలో వైద్యం అందాలన్న కసితోనే… వైద్యవృత్తిని ఎంచుకున్నారు. 1990లో ఆరోగ్యశ్రీ లేదు. కర్నూలు ప్రభుత్వ సర్వజన ఆస్పత్రిలో కార్డియాలజిస్ట్గా చేరినప్పటి నుంచి ప్రజలకు హార్ట్ఫుల్ గా వైద్య సేవలు అందించారు. ఉమ్మడి ఆంధ్ర ప్రదేశ్, కర్ణాటక, మహారాష్ట్ర నుంచి గుండె సమస్యలతో వచ్చే రోగులకు కార్పొరేట్ స్థాయిలో అందజేసి… లక్షల మందికి ప్రాణదాతగా నిలిచారు. లక్ష్యం సాధించారు.

తన భార్య… దేవుడి వరం…:

తాను వైద్య రంగంలో ఎంత ఎదిగినా… తన విజయం వెనుక తన సహధర్మచారిణి ప్రముఖ గైనకాలజిస్ట్ డా. వై. రాధిక పాత్ర కీలకమని సగర్వంగా చెప్పుకొచ్చారు. ఆమె ఆలోచన తీరు…మాట్లాడే విధానం.. నా బంగారు భవిష్యత్కు పునాది వేశాయి. తాను సక్సెస్ఫుల్ డాక్టర్గా రాణించానంటే.. తన భార్య కారణమని చెప్పారు. అందుకే తన భార్య తనకు దేవుడు ఇచ్చిన వరం లా భావిస్తారాయన.

మహానుభావుల స్ఫూర్తితో…:

వైద్యరంగంలోని వివిధ శాస్ర్తవేత్తలను… భావితరాల వైద్య విద్యార్థులు స్ఫూర్తిగా తీసుకోవాలని…. స్మరించుకోవాలన్న ఉద్దేశ్యంతో

కర్నూలు సర్వజన ఆస్పత్రి, మెడికల్ కళాశాలలో దాదాపు 20 కి పైగా విగ్రహాలను ఆవిష్కరింపజేశారు. 2020లో రాష్ట్ర గవర్నర్ విశ్వభూషణ్ చేతుల మీదుగా డా. అబ్దుల్ కలాం విగ్రహాన్ని ఆవిష్కరింపజేశారు. ఆ తరువాతత డా. చంద్రశేఖర్ను రాష్ట్ర గవర్నర్ అభినందించారు.

హాస్పిటల్లో…అభివృద్ధి ఫలాలు..:

1997లో కర్నూలు ప్రభుత్వ ఆస్పత్రిలో అసిస్టెంట్ ప్రొఫెసర్గా విధులు స్వీకరించిన నాటి నుంచి ఆస్పత్రిలో అభివృద్ధి పరుగులు తీసింది. నిత్యం ఆస్పత్రి అభివృద్ధి వైపు ఆలోచించే డా. చంద్రశేఖర్… 2000వ సంవత్సరంలో ఐసీసీయూను మంజూరు చేయించారు. ఇప్పటికీ ఆ విభాగం సక్సెస్ ఫుల్గా నడుస్తోంది. అంతేకాక ఆ విభాగంలోనే క్యాథలాక్ యూనిట్ ఏర్పాటు చేసి.. రోగులకు యాంజియోగ్రామ్లు, యాంజియో ప్లాస్లిలు స్టంట్స్ వేశారు. అదేవిధంగా శిథిలమై… మూలనపడిన కార్డియో థెరాసిక్ విభాగాన్ని పున: ప్రారంభించారు. ప్రస్తుతం అందులో గుండె శస్ర్తచికిత్సలు విజయవంతంగా కొనసాగుతున్నాయి.

అలుపెరగని.. ప్రయాణం..:

కర్నూలు ప్రభుత్వ సర్వజన ఆస్పత్రిలో రెండేళ్లపాటు సూపరింటెండెంట్గా విధులు నిర్వర్తించిన ఆయన… వైద్య సేవతోపాటు ఆస్పత్రి అభివృద్ధి శరవేగంగా చేశారు. ఆరు జిల్లాల ప్రజలకు వైద్య సేవలు అందించే కర్నూలు జీజీహెచ్లో 350 కిలో వాట్ల విద్యుత్ జనరేటర్ను ఏర్పాటు చేయించారు. పాత భవనాలకు మరమ్మతు చేయించి… ఉపయోగంలోకి తీసుకొచ్చారు.

అత్యాధునిక టెక్నాలజీతో…ధన్వంతరి హాల్…:

పరిపాలన విభాగానికి అవసరమైన సెమినార్ హాల్గా ఉపయోగపడుతున్న ధన్వంతరి హాల్ను అత్యాధునిక టెక్నాలిజీతో ఏర్పాటు చేశారు. అంతేకాక అడ్మినిస్ర్టేటివ్ బ్లాక్ను ఆధునికీకరించి… చిరుద్యోగులు సైతం కార్పొరేట్ స్థాయిలో విధులు నిర్వర్తించేలా సెంట్రల్ ఏసీని అమర్చారు.

గ్యాస్ర్టో ఎంట్రాలజీ…:

ప్రభుత్వ ఆస్పత్రిలోని గ్యాస్ర్టో ఎంట్రాలజి విభాగాన్ని ఐసీయూతో ఆధునికీకరించారు. అదేవిధంగా సెంట్రల్ ల్యాబ్ను అత్యాధునిక పరికరాలతో ఏర్పాటు చేయించారు.

స్టేట్ క్యాన్సర్ ఆస్పత్రి…:

విభజన చట్టంలో భాగంగా ఆంధ్ర ప్రదేశ్కు రూ. 350 కోట్లతో మంజూరైన స్టేట్ క్యాన్సర్ ఆస్పత్రి నిర్మాణానికి తాను శ్రీకారం చుట్టారు.

రోడ్లు..గేట్లు…:

ప్రభుత్వ ఆస్పత్రిలో నాణ్యతతో కూడిన సీసీ రోడ్లు వేసిన ఘనత డా. చంద్రశేఖర్కే దక్కింది. ఆయన హయాంలోనే సీసీ రోడ్లతోపాటు ఆస్పత్రికి రెండు ప్రధాన గేట్లు ఏర్పాటు చేయించారు.

ప్రిన్సిపల్గా.. ముద్ర..:

కర్నూలు మెడికల్ కళాశాల ప్రిన్సిపల్గా బాధ్యతలు స్వీకరించిన డా. చంద్రశేఖర్ … తనదైన శైలిలో అభివృద్ధి చేశారు. ఆయన హయంలో సువర్ణయుగం వచ్చిందంటూ అప్పట్లో మెడికల్ కళాశాల ప్రొఫెసర్లు, విద్యార్థులు, ప్రజలు అభిప్రాయపడ్డారు. కళాశాల లోపలికి..బయటకు వెళ్లే గేట్లను మరమ్మతు చేయించారు. నూతన, పాత ఆడిటోరియంలను ఎలక్ర్టానిక్ పరికరాలతో అమర్చారు. మెడికల్ ఎడ్యుకేషన్ యూనిట్ను ఆధునికీకరించారు.

భద్రత…నిఘా..:

కళాశాల ఆవరణలో విద్యార్థులు, ఉద్యోగులు, సిబ్బంది భద్రత దృష్ట్యా… సీసీ కెమెరాలను ఏర్పాటు చేయించారు. కోవిడ్ సమయంలో వైద్యవిద్యార్థులందరికీ కోవిడ్ టెస్ట్లు చేయించిన ఘనత ఆయనకే దక్కింది.

కర్నూలు హార్ట్ ఫౌండేషన్…:

ప్రజాప్రతినిధులు…దాతల సహకారంతో కర్నూలు హార్ట్ హెల్త్ ఫౌండేషన్ను ఏర్పాటు చేసిన కీర్తి డా. చంద్రశేఖర్దే. ఆంధ్ర ప్రదేశ్, తెలంగాణలోనూ .. ఎక్కడా లేనివిధంగా ప్రతి నెలా వైద్యం, వ్యాధులు తదితర వాటిపై అవగాహన కల్పిస్తున్నారు.

ప్రజలకు ఉచిత వైద్య శిబిరాలు నిర్వర్తిస్తున్నారు.

కర్నూలు హెల్త్ క్లబ్…:

కర్నూలు హెల్త్ క్లబ్ను ఏర్పాటు చేసిన డా. చంద్రశేఖర్ .. అందులోనే జిమ్, యోగా కేంద్రాలను ఏర్పాటు చేశారు. ప్రతి సంవత్సరం వరల్డ్ డాక్టర్స్ డే వేడుకలను అత్యంత వైభవంగా నిర్వర్తిస్తున్నారు.

సేవలకు.. పురస్కారం..:

ఉమ్మడి ఆంధ్ర ప్రదేశ్, రాయచూరు, మహారాష్ట్ర నుంచి వచ్చే గుండె హృద్రోగులకు… మెరుగైన..శరవేగంగా వైద్య చికిత్సలు చేసి… ప్రాణదాతగా నిలిచిన కార్డియాలజిస్ట్ డా. చంద్రశేఖర్కు రెండు లైఫ్ టైమ్ అచీవ్మెంట్ అవార్డులు వరించాయి. 2023 జూలైలో నేషనల్ డాక్టర్స్ డే సెలబ్రేషన్లో భాగంగా హైదరాబాద్ హైటెక్స్లో లైఫ్ టైమ్ అచీవ్మెంట్ అవార్డు అందుకున్నారు. అదేవిధంగా ఏపీసీఎస్ఐ ఆధ్వర్యంలో లైఫ్ టైమ్ అచీవ్మెంట్ అవార్డు బహుకరించారు. రెండు లైఫ్ టైమ్ అవార్డులు అందుకున్న ఘనత ఆయనకే దక్కింది.

డా. చంద్రశేఖర్కు అరుదైన గౌరవం..:

కరోనా ఫస్ట్ వేవ్లో ప్రజలకు అందించిన అత్యుత్తమ సేవలకుగాను కర్నూలు సర్వజన ఆస్ప్రతిలోని కార్డియాలజి విభాగాధిపతి డా. చంద్రశేఖర్కు అరుదైన గౌరవం లభించింది. ఆయనకు సర్టిఫికెట్ ఆఫ్ కమిట్మెంట్ అవార్డును వరల్డ్ బుక్ ఆఫ్ రికార్డ్స్ సంస్థ అందించింది. విపత్కర సమయంలో వైరస్ పట్ల ప్రజలకు అవగాహన కల్పించడమే కాకుండా ఎంతో ధైర్యంగా వైద్యం అందించారని సంస్థ ప్రతినిధులు కొనియాడిన విషయం తెలిసిందే.

గోల్డ్మెడల్…కైవసం…:

2019–20లో కోవిడ్ విజృంభిస్తున్న సమయంలో… కర్నూలు రెడ్ క్రాస్ సొసైటీలో దాదాపు 1500 మందిని సభ్యులుగా చేర్చిన ఘనత ఆయనకే దక్కింది. ఆంధ్రప్రదేశ్లోని మెడికల్ కళాశాలలో మొత్తం మీద ఇంత పెద్ద మొత్తంలో సభ్యులుగా చేర్చిన ఆస్పత్రి కార్డియాలజి విభాగాధిపతి డా. చంద్రశేఖర్కు గోల్డ్మెడల్ దక్కడం… కర్నూలు ప్రజలకే గర్వకారణంగా నిలిచింది.

ఎందరికో ఆదర్శం..:

కర్నూలు మెడికల్ కళాశాల ప్రిన్సిపల్గా ఉంటూ ..ఎంతో మంది విద్యార్థులు వైద్య వృత్తిలో సక్సెస్గా రాణించేలా కృషి చేశారు. విద్యార్థులను క్రమశిక్షణతో తీర్చిదిద్ది… సక్సెస్ వైపు అడుగులు వేసేలా చేశానని, ఇది తనకెంతో సంతృప్తినిచ్చిందని చెప్పుకొచ్చారు. వారందరికీ ఇప్పుడు ఆదర్శంగా నిలిచారు.

సామాజిక… అన్యాయం…:

రాయలసీమతోపాటు రాయచూరు, మహబూబ్నగర్ జిల్లాల నుంచి వచ్చే గుండె హృద్రోగులకు శరవేగంగా… మెరుగైన వైద్య చికిత్సలు చేసి సక్సెస్ఫుల్ వైద్యులుగా నిలిచిన కర్నూలు ప్రభుత్వ ఆస్పత్రి కార్డియాలజి విభాగాధిపతి డా. చంద్రశేఖర్ కు అన్యాయం జరిగిందని వైద్య వర్గాలు పేర్కొంటున్నాయి. ప్రభుత్వ సర్వజన ఆస్పత్రిసూపరింటెండెంట్గా పూర్తి అర్హత ఉన్న తనకు కాదని… వేరొకరికి ఇవ్వడం ఏమిటని పల ప్రశ్నలు సంధించినా ఫలితం లేకపోయింది. తనపై కొందరు చేసిన ఆరోపణలకు ఏమాత్రం విచారణ… వివరణ అడగని ఓ మంత్రి…. తన ఎదుగుదలను అడ్డుకున్నారని చెప్పకనే..చెబుతున్నారు.

రాజకీయ.. అరంగేట్రం…:

శ్రీ కృష్ణ భగవానుడి ఆశీస్సులతో … వైద్య వృత్తిలో సక్సెస్ఫుల్ డాక్టర్గా రాణించిన డా. పి. చంద్రశేఖర్… భవిష్యత్లోనూ పేదలకు వైద్య సేవలు అందించేందుకు నిత్యం అందుబాటులో ఉంటానన్నారు. తాను మెచ్చిన.. అభిమానించిన నేత డా. అబ్దుల్ కలాం ను ఆదర్శంగా తీసుకుంటూ… ఆయన ఆశయ సాధన కోసం కృషి చేస్తానన్నారు.

నేడు పదవీ విరమణ..:

1997లో అసిస్టెంట్ ప్రొఫెసర్గా బాధ్యతలు స్వీకరించి డా. పి. చంద్రశేఖర్…. తన విజయ ప్రస్థానంలో ఎన్నో ప్రశంసలు… అవార్డులు పొందారు. ప్రజలకు అత్యుత్తమ వైద్య సేవలు అందించి ఎందరో మన్ననలు పొందారు. గురువారం (ఆగస్టు 31న) కార్డియాలజిస్ట్ డా. పి. చంద్రశేఖర్ పదవీ విరమణ పొందనున్నారు. ఈ సందర్భంగా గురువారం మధ్యాహ్నం కార్డియాలజి విభాగంలో ఆయనకు సిబ్బంది ఘనసన్మానం చేయనున్నారు.