హొళగుందలో పల్లె పండుగ కార్యక్రమం
1 min read
గ్రామీణ అభివృద్ధికి కూటమి ప్రభుత్వం పెద్దపీట
పల్లెల అభివృద్ధే రాష్ట్ర అభివృద్ధి.. ప్రజల సంక్షేమమే ప్రభుత్వ లక్ష్యం
వైకుంఠం జ్యోతి ఆదేశాల మేరకు కార్యక్రమం
హొళగుంద న్యూస్ నేడు: కూటమి ప్రభుత్వం చేపట్టిన పల్లె పండుగ కార్యక్రమం ద్వారా గ్రామీణ ప్రాంతాల్లో అభివృద్ధి పనులకు ప్రాధాన్యత కల్పిస్తూ, గ్రామాల రూపురేఖలను మార్చేందుకు కృషి చేస్తోంది. ఆలూరు నియోజకవర్గ టీడీపీ ఇన్‌చార్జ్ వైకుంఠం జ్యోతి ఆదేశాల మేరకు హొళగుంద గ్రామంలో పల్లె పండుగ కార్యక్రమాన్ని నిర్వహించారు.ఈ కార్యక్రమం ద్వారా గ్రామాల్లో సీసీ రోడ్లు, డ్రైనేజీ వ్యవస్థలు, రహదారులు, ఇతర మౌలిక సదుపాయాల అభివృద్ధికి ప్రాధాన్యత కల్పిస్తున్నారు. గ్రామీణ ప్రజలకు మెరుగైన సౌకర్యాలు అందించడం, గ్రామాల అభివృద్ధిలో ప్రజల భాగస్వామ్యాన్ని పెంపొందించడం ఈ కార్యక్రమం ప్రధాన ఉద్దేశమని నాయకులు పేర్కొన్నారు.హొళగుందలో నిర్వహించిన ఈ కార్యక్రమంలో టీడీపీ మండల కన్వీనర్ డాక్టర్ తిప్పయ్య, టీడీపీ సీనియర్ నాయకులు దుర్గయ్య, ఆదం, బకాడి వీరేష్ తదితరులు పాల్గొన్నారు. గ్రామాల అభివృద్ధికి ప్రతి ఒక్కరూ తమ వంతు సహకారం అందిస్తూ, ప్రజల సంక్షేమం కోసం కలిసికట్టుగా కృషి చేయాలని నాయకులు పిలుపునిచ్చారు.
About Author
