శ్రీశైలం డ్యాం ఒకగేట్​ ద్వారా నీటి విడుదల! కొనసాగుతోన్న వరద

పల్లెవెలుగువెబ్​, కర్నూలు: శ్రీశైలం డ్యాం ఒక రేడియల్​ క్రస్ట్​గేట్​ ద్వారా వరదనీటిని దిగువ నాగార్జునసాగర్​కు విడుదల చేస్తున్నారు. కృష్ణానది ఎగువ పరివాహకం నుంచి శ్రీశైలజలాశయానికి వరద ఉధృతి కొనసాగుతోంది. దీంతో బుధవారం డ్యాం అధికారులు ఒక గేట్​ నుంచి వరద నీటిని విడుదల చేస్తున్నారు. మధ్యహ్నం 12.30గంటల సమయానికి ఎగువ పరివాహకంలోని జూరాల నుంచి 1,03,845క్యూసెక్కులు, సుంకేసుల బ్యారేజి నుంచి 16,963క్యూసెక్కుల చొప్పున మొత్తం 1,20,813క్యూసెక్కుల నీరు శ్రీశైలజలాశయంలోకి చేరుతోంది. ఈ క్రమంలో డ్యాం ఒకగేట్​ను 10అడుగుల మేర ఎత్తి 27,983క్యూసెక్కులు, కుడిగట్టు విద్యుత్​కేంద్రంలో విద్యుదుత్పత్తి చేస్తూ 31,472క్యూసెక్కులు, ఎడమగట్టు భూగర్బ జల విద్యుత్​ కేంద్రంలో విద్యుదుత్పత్తి చేస్తూ 35,315క్యూసెక్కుల చొప్పున మొత్తం 94,770క్యూసెక్కుల నీటిని అటు నీటిపారుదల శాఖ, ఇటు ఇరురాష్ట్రాల జెన్​కో శాఖలు దిగువ నాగార్జునసాగర్​కు విడుదల చేస్తున్నాయి. అయితే ఆ సమయానికి డ్యాం వద్ద నీటిమట్టం 884.80అడుగులు ఉండగా జలాశయంలో నీటినిల్వ సామర్థ్యం 214.3637టీఏంసీలుగా నమోదయింది.

About Author

palle velugu National

See author's posts