విద్యార్థి క్యాబినెట్ ఎన్నికలు విజయవంతం
1 min read
కర్నూలు, న్యూస్ నేడు: నారాయణ రెసిడెన్షియల్ స్కూల్, వైబీ క్యాంపస్, కర్నూలులో 2026–27 విద్యా సంవత్సరానికి సంబంధించిన విద్యార్థి క్యాబినెట్ ఎన్నికలు ప్రజాస్వామ్య స్ఫూర్తితో, క్రమశిక్షణతో మరియు ఉత్సాహభరిత వాతావరణంలో ఘనంగా నిర్వహించబడ్డాయి.ఈ కార్యక్రమాన్ని ఏజీఎం రమేష్ ప్రారంభించారు. అనంతరం ప్రిన్సిపాల్ శ్రీ సత్యనారాయణ రెడ్డి , ఏ.డి. శ్రీ సురేష్ , ఏ.ఓ. దస్తగిరి పోలింగ్ ప్రక్రియను పర్యవేక్షించి విద్యార్థులను ఉద్దేశించి నాయకత్వం, బాధ్యత, సేవా భావం గురించి ప్రేరణాత్మకంగా ప్రసంగించారు.ఎన్నికల నిర్వహణలో సీసీఏ ఇన్చార్జ్ శ్రీ రవిబాబు , సీఓ ఇన్చార్జ్ శ్రీ ఇస్మాయిల్ , ఈటీ & ఒలింపియాడ్ ఇన్చార్జ్ శ్రీ సుంకన్న సమర్థవంతంగా సమన్వయం చేసి ఎన్నికలను ప్రశాంతంగా, పారదర్శకంగా, విజయవంతంగా నిర్వహించారు.విద్యార్థులు క్రమశిక్షణతో తమ ఓటు హక్కును వినియోగించి హెడ్ బాయ్, హెడ్ గర్ల్, డిప్యూటీ హెడ్ బాయ్, డిప్యూటీ హెడ్ గర్ల్ తదితర పదవులకు తమ నాయకులను ఎన్నుకున్నారు. ఎన్నికల ప్రక్రియ మొత్తం స్వేచ్ఛాయుతంగా, నిష్పాక్షికంగా మరియు ప్రజాస్వామ్య విలువలకు అనుగుణంగా సాగింది.ఈ సందర్భంగా పాఠశాల యాజమాన్యం మాట్లాడుతూ, విద్యార్థుల్లో నాయకత్వ లక్షణాలు, బాధ్యతాయుతమైన ఆలోచన, సేవా దృక్పథం మరియు ప్రజాస్వామ్య విలువలను పెంపొందించేందుకు ఇలాంటి ఎన్నికలు ఎంతో దోహదపడతాయని పేర్కొన్నారు.”నేటి విద్యార్థులే రేపటి సమర్థ నాయకులు. ప్రజాస్వామ్య విధానంలో నాయకులను ఎన్నుకునే ఈ ప్రక్రియ విద్యార్థుల్లో బాధ్యత, క్రమశిక్షణ, ఆత్మవిశ్వాసాన్ని పెంపొందిస్తుంది.” అని వారు తెలిపారు.పాఠశాల సిబ్బంది, ఉపాధ్యాయులు మరియు విద్యార్థుల సహకారంతో ఈ ఎన్నికల కార్యక్రమం విజయవంతంగా ముగిసింది.నినాదం”మీ ఓటు – మీ నాయకుడు – మన భవిష్యత్తు””కలిసి నడుద్దాం… కలిసి నాయకత్వాన్ని నిర్మిద్దాం… కలిసి విజయాన్ని సాధిద్దాం!”విడుదల చేసినవారు:నారాయణ రెసిడెన్షియల్ స్కూల్ఎలుకూరు బంగ్లా క్యాంపస్, కర్నూలు.
About Author
