కర్నూలులో టీడీపీ ప్రముఖ నాయకులకు ఘన సన్మానం
1 min read
కూటమి ప్రభుత్వ రెండేళ్ల విజయోత్సవ వేడుకల్లో నేతలకు ప్రత్యేక సత్కారం
కార్యకర్తలే పార్టీకి వెన్నెముక: టీడీపీ నాయకులు
నాయకుల ఆశీస్సులు – కార్యకర్తల అంకితభావంతో పార్టీ మరింత బలోపేతం
హోళగుంద న్యూస్ నేడు: కూటమి ప్రభుత్వం ఏర్పడి విజయవంతంగా రెండేళ్లు పూర్తి చేసుకున్న సందర్భంగా కర్నూలులో నిర్వహించిన విజయోత్సవ కార్యక్రమంలో తెలుగుదేశం పార్టీ ప్రముఖ నాయకులకు ఘన సన్మానం నిర్వహించారు.ఈ సందర్భంగా టీడీపీ మండల ప్రధాన కార్యదర్శి ఈబీజీ గోవింద్ గౌడ్, టీడీపీ యువనాయకుడు ఈబీజీ రాజేంద్ర గౌడ్ కలిసి మాజీ ఉపముఖ్యమంత్రి కె.ఈ. కృష్ణమూర్తి, పత్తికొండ శాసనసభ్యులు కె.ఈ. శ్యాంబాబు, కోడుమూరు శాసనసభ్యులు దస్తగిరి, ఆదోని మాజీ శాసనసభ్యులు మీనాక్షి నాయుడులను శాలువాలు కప్పి, పూలహారాలు వేసి ఘనంగా సన్మానించారు.ఈ సందర్భంగా నాయకులు మాట్లాడుతూ, తెలుగుదేశం పార్టీ బలోపేతానికి కార్యకర్తలే వెన్నెముక అని పేర్కొన్నారు. గ్రామ స్థాయి నుంచి పార్టీని మరింత బలోపేతం చేయడానికి ప్రతి కార్యకర్త కృషి చేయాలని పిలుపునిచ్చారు. ముఖ్యమంత్రి నారా చంద్రబాబు నాయుడు నాయకత్వంలో రాష్ట్రం అభివృద్ధి పథంలో ముందుకు సాగుతోందని, యువనేత నారా లోకేష్ కృషితో పార్టీకి మరింత బలం చేకూరుతోందని తెలిపారు.ఈ కార్యక్రమంలో టీడీపీ సీనియర్ నాయకులు పంపతి, యరిస్వామి, డీడీ నాగప్ప, డీడీ వెంకటేష్, రామాంజి, మాలి తదితరులు పాల్గొన్నారు. అలాగే పెద్ద సంఖ్యలో పార్టీ నాయకులు, కార్యకర్తలు హాజరై కార్యక్రమాన్ని విజయవంతం చేశారు.నాయకుల మార్గదర్శనం, కార్యకర్తల అంకితభావం, ప్రజల ఆదరణతో తెలుగుదేశం పార్టీ మరింత బలోపేతం అవుతుందని ఈ సందర్భంగా నాయకులు ఆకాంక్షించారు.
About Author
