కర్నూలు జిల్లా న్యాయ సేవాధికార సంస్థ ఆధ్వర్యంలో న్యాయ అవగాహన
1 min read
కర్నూలు, న్యూస్ నేడు: కర్నూలు జిల్లా న్యాయ సేవాధికార సంస్థ వారి ఆధ్వర్యంలో, తపాలా శాఖ సహకారంతో 14.08.2026న ఉదయం 10.00 గంటల నుండి కర్నూలులోని న్యాయ సేవా సదన్లో న్యాయ అవగాహన కార్యక్రమంతో పాటు ప్రత్యేక ఆధార్ క్యాంపును నిర్వహించబడింది. గౌరవనీయులైన శ్రీ జి. కబర్ధి, కర్నూలు ప్రధాన జిల్లా న్యాయమూర్తి-మరియు-చైర్మన్, జిల్లా న్యాయ సేవాధికార సంస్థ వారి ఆదేశాల మేరకు నిర్వహించిన ఈ కార్యక్రమంలో తపాలా శాఖ ద్వారా ప్రజలకు అందుబాటులో ఉన్న వివిధ పౌర సేవలపై అవగాహన కల్పించారు. ముఖ్యంగా ఆధార్ నమోదు/నవీకరణ సేవలను ప్రత్యేక ఆధార్ క్యాంపు ద్వారా అందించారు. అదేవిధంగా, తపాలా శాఖ అందిస్తున్న Self Booking కియోస్క్ సదుపాయం గురించి వివరించారు. కర్నూలు హెడ్ పోస్ట్ ఆఫీసులో అందుబాటులో ఉన్న ఈ కియోస్క్ ద్వారా ప్రజలు క్యూలో వేచి ఉండకుండా నేరుగా తమ తపాలా వస్తువులను బుక్ చేసుకోవచ్చని తెలిపారు. పర్యావరణ పరిరక్షణ, పచ్చదనం పెంపొందించడం ప్రతి ఒక్కరి బాధ్యత అని ఈ సందర్భంగా పేర్కొన్నారు.ఈ కార్యక్రమంలో గౌరవనీయులైన ప్రధాన జిల్లా న్యాయమూర్తి-మరియు-చైర్మన్, కర్నూలు జిల్లా న్యాయ సేవాధికార సంస్థ, శ్రీ జి. కబర్ధి, కర్నూలు జిల్లా న్యాయ సేవాధికార సంస్థ కార్యదర్శి శ్రీ బి. లీలా వెంకట శేషాద్రి, కర్నూలు శాశ్వత లోక్ అదాలత్ చైర్మన్ శ్రీ ఎం. వెంకట హరినాథ్, కర్నూలు బార్ అసోసియేషన్ అధ్యక్షుడు శ్రీ బి. చంద్రుడు, కర్నూలు సూపరింటెండెంట్ ఆఫ్ పోస్ట్స్ శ్రీ జి. జనార్దన్ రెడ్డి, కర్నూలు హెడ్క్వార్టర్స్లోని న్యాయాధికారులు, న్యాయవాదులు, పారా లీగల్ వాలంటీర్లు (PLVs) మరియు ప్రజలు పాల్గొన్నారు. ప్రజలకు న్యాయ సేవలు, ప్రభుత్వ పౌర సేవలు సులభంగా అందుబాటులోకి తీసుకురావడమే కర్నూలు జిల్లా న్యాయ సేవాధికార సంస్థ లక్ష్యమని అధికారులు తెలిపారు.
About Author
