NEWSNEDU

NEWSNEDU | Telugu Latest News | KURNOOL AP

ఇక సూచనలే కాదు.. ఇంజనీరింగ్ పనులనూ పూర్తి చేసే ఏఐ!

1 min read

భారత్‌లో సీమెన్స్ ‘ఏజెన్ ఇంజనీరింగ్ ఏజెంట్’ ఆవిష్కరణ

న్యూఢిల్లీ, న్యూస్​ నేడు:  పారిశ్రామిక రంగంలో కృత్రిమ మేధస్సు (ఏఐ) వినియోగాన్ని మరో స్థాయికి తీసుకెళ్తూ, ప్రముఖ టెక్నాలజీ సంస్థ సీమెన్స్ భారత్‌లో తన సరికొత్త ‘ఏజెన్ (Eigen) ఇంజనీరింగ్ ఏజెంట్‌’ను అధికారికంగా ప్రారంభించింది. కేవలం సలహాలు, సూచనలకే పరిమితం కాకుండా, సంక్లిష్టమైన ఆటోమేషన్ ఇంజనీరింగ్ పనులను స్వయంప్రతిపత్తితో పూర్తి చేయగల సామర్థ్యం ఈ ఏఐ ప్రత్యేకత.భారతదేశవ్యాప్తంగా 16 మందికి పైగా వినియోగదారులతో ఇప్పటికే విజయవంతంగా పైలట్ పరీక్షలు నిర్వహించిన సీమెన్స్, పారిశ్రామిక ఆటోమేషన్‌లో ఇంజనీర్ల పనిభారాన్ని తగ్గించి, ఉత్పాదకతను పెంచడమే లక్ష్యంగా ఈ సాంకేతికతను తీసుకొచ్చింది. పీఎల్‌సీ కోడింగ్, హ్యూమన్ మెషిన్ ఇంటర్‌ఫేస్ (హెచ్‌ఎంఐ) విజువలైజేషన్, పరికరాల కాన్ఫిగరేషన్ వంటి కీలక పనులను ప్రాజెక్టు అవసరాలు, సాంకేతిక పరిమితులను అర్థం చేసుకుంటూ ఈ ఏజెంట్ నిర్వహించగలదు.సీమెన్స్ లిమిటెడ్ మేనేజింగ్ డైరెక్టర్, సీఈఓ సునీల్ మాథుర్ మాట్లాడుతూ, “భారత తయారీ రంగ భవిష్యత్తు కేవలం ఖర్చుల తగ్గింపుపైనే కాకుండా, ఉత్పాదకత, నాణ్యతపై ఆధారపడి ఉంటుంది. ముఖ్యంగా చిన్న, మధ్యతరహా పరిశ్రమలకు అధునాతన ఆటోమేషన్‌ను అందుబాటులోకి తీసుకురావడంలో ఏజెన్ ఇంజనీరింగ్ ఏజెంట్ కీలక పాత్ర పోషిస్తుంది. తక్కువ మంది ఇంజనీర్లతోనే సంక్లిష్టమైన ప్రాజెక్టులను వేగంగా, తొలిసారే సరిగ్గా పూర్తి చేసేందుకు ఇది దోహదపడుతుంది” అని పేర్కొన్నారు.పరిశ్రమల్లో ఏఐని ప్రయోగాత్మక దశ నుంచి రోజువారీ కార్యకలాపాల్లోకి తీసుకెళ్లే దిశగా ఈ ఆవిష్కరణ కీలక ముందడుగుగా నిలవనుంది.

About Author

Leave a Reply

Your email address will not be published. Required fields are marked *