టీడీపీ ఆధ్వర్యంలో ఆహార పొట్లాల పంపిణీ
1 min read
పల్లెవెలుగు వెబ్, కడప బ్యూరో: కడప శివారులోని రిమ్స్ వద్ద కోవిడ్–19 బాధిత కుటుంబీకులకు టీడీపీ ఇన్చార్జ్ విఎస్ అమీర్బాబు ఆధ్వర్యంలో ఆహార పొట్లాలు పంపిణీ చేశారు. కార్యక్రమానికి అజ్మత్ మోటార్స్ అధినేత అజ్మతుల్లా ముఖ్య అతిథిగా విచ్చేసి పేదలకు అన్నదానం చేశారు. ఈ సందర్భంగా అజ్మతుల్లా మాట్లాడుతూ కరోన కేసులు రోజు రోజుకు పెరుగుతున్నాయని, ఈ క్రమంలో పేదలకు జీవనోపాధి లేక .. ఆహారం దొరక్క తీవ్ర ఇబ్బందులు ఎదుర్కొంటున్నారని ఆవేదన వ్యక్తం చేశారు. పేదల కష్టాలు తెలుసుకున్న వారే… సహాయం చేసేందుకు ముందుకు వస్తారని, టీడీపీ కడప అసెంబ్లీ ఇన్చార్జ్ వీఎస్ అమీర్బాబు రిమ్స్ వద్ద కోవిడ్ బాధితులను పరామర్శించేందుకు వచ్చిన వారికి అన్నదానం చేయడం అభినందనీయమన్నారు. ఈ అన్నదాన కార్యక్రమంలో శివకొండా రెడ్డి, రవిశంకర్ రెడ్డి, జలతోటి జయకుమార్, ఛాన్ బాష, షఫీ తదితరులు పాల్గొన్నారు.
About Author
