పేద విద్యార్థిని బండారి మమతకు చేయూత..
1 min read
రూ.25 వేల ఆర్థిక సాయం అందించిన హాలహర్వి జెడ్పిహెచ్ స్కూల్ 1993-94 బ్యాచ్ సభ్యులు
ప్రతిభకు ప్రోత్సాహం – ఉన్నత చదువులకు అండగా దాతల ముందడుగు
హోళగుందన్యూస్ నేడు: హొళగుంద మండలానికి చెందిన ప్రతిభావంతురాలైన పేద విద్యార్థిని బండారి మమత చదువుకు హాలహర్వి జెడ్పిహెచ్ హైస్కూల్ 1993-94 బ్యాచ్ సభ్యులు ఆర్థికంగా అండగా నిలిచి ఆదర్శంగా నిలిచారు. హొళగుంద మేజర్ గ్రామపంచాయతీ కార్యదర్శి బి. రాజశేఖర్ గౌడ్ సూచన మేరకు 1993-94 బ్యాచ్కు చెందిన 43 మంది సభ్యులు కలిసి మమత ఉన్నత విద్యాభ్యాసానికి తోడ్పాటుగా రూ.25 వేల నగదు సహాయం అందజేశారు.ఈ సందర్భంగా విద్యార్థిని మమతను పూలమాలలు, శాలువాతో ఘనంగా సన్మానించిన బ్యాచ్ సభ్యులు, ఆమె భవిష్యత్తులో మరింత ఉన్నత శిఖరాలను అధిరోహించాలని ఆకాంక్షించారు. చదువుపై ఆసక్తి, పట్టుదల కలిగిన విద్యార్థులకు సమాజం నుంచి ప్రోత్సాహం లభిస్తే వారు మరింత ఉన్నత స్థాయికి చేరుకుంటారని పేర్కొన్నారు.వివరాల్లోకి వెళితే, ఇటీవల విడుదలైన పదో తరగతి ఫలితాల్లో 600 మార్కులకు గాను 524 మార్కులు సాధించి ప్రథమ శ్రేణిలో ఉత్తీర్ణత సాధించిన బండారి మమత, కర్నూలు జిల్లా ఆలూరు తాలూకా హొళగుంద మండలానికి చెందిన నిరుపేద కుటుంబానికి చెందిన విద్యార్థిని. ఆమె తల్లిదండ్రులు అంబమ్మ, దేవేంద్రలు కూలి పనులు చేస్తూ కుటుంబాన్ని పోషిస్తున్నారు. నలుగురు కుమార్తెల కుటుంబంలో ఆర్థిక ఇబ్బందుల మధ్య కూడా మమత చదువుపై ఆసక్తి కోల్పోకుండా కష్టపడి మంచి ఫలితాలు సాధించింది.అయితే కుటుంబ ఆర్థిక పరిస్థితుల కారణంగా ఆమె ఉన్నత విద్య కొనసాగించడం కష్టసాధ్యంగా మారిన నేపథ్యంలో, ఈ విషయం తెలుసుకున్న హాలహర్వి జెడ్పిహెచ్ హైస్కూల్ 1993-94 బ్యాచ్ సభ్యులు స్పందించి మమత చదువుకు చేయూతనందించారు. వారి సహకారంతో మమత ఉన్నత విద్యను కొనసాగించాలన్న ఆశలకు కొత్త బలం చేకూరింది.ఈ సందర్భంగా పలువురు మాట్లాడుతూ, సమాజంలో ప్రతిభ కలిగిన పేద విద్యార్థులను గుర్తించి వారికి సహాయం చేయడం ప్రతి ఒక్కరి సామాజిక బాధ్యత అని పేర్కొన్నారు. భవిష్యత్తులో కూడా ఇలాంటి సేవా కార్యక్రమాలను కొనసాగిస్తామని తెలిపారు.ఈ కార్యక్రమంలో హాలహర్వి జెడ్పిహెచ్ హైస్కూల్ 1993-94 బ్యాచ్ సభ్యులు బి. రాజశేఖర్ గౌడ్, శకుంతల, రంగప్ప, రాజశేఖర్ స్వామి, శ్రీనివాస రెడ్డి, వెంకటేష్ బాబు తదితరులు పాల్గొన్నారు.చదువుకు అండగా నిలిచి తన భవిష్యత్తుకు బాటలు వేసిన హాలహర్వి జెడ్పిహెచ్ హైస్కూల్ 1993-94 బ్యాచ్ సభ్యులందరికీ విద్యార్థిని బండారి మమత హృదయపూర్వక కృతజ్ఞతలు తెలియజేసింది.“ప్రతిభకు చేయూతనిస్తేనే సమాజం పురోగమిస్తుంది” అనే సందేశాన్ని ఈ కార్యక్రమం మరోసారి చాటిచెప్పింది.
About Author
