ఆర్యూలో స్వచ్ఛోత్సవ్ కార్యక్రమం ప్రారంభం..
1 min read
కర్నూలు, న్యూస్ నేడు: పరిసరాల పరిశుభ్రతకు పెద్దపీటవేస్తూ నిర్వహిస్తున్న స్వచ్ఛతాహీ సేవా కార్యక్రమంలో యువత స్వచ్ఛంద భాగస్వామ్యం పెరగాలని రాయలసీమ విశ్వవిద్యాలయ వైస్ ఛాన్సులర్ ఆచార్య వి. వెంకట బసవరావు పిలుపునిచ్చారు. వర్సిటీ ఎన్ఎస్ఎస్ విభాగం ఆధ్వర్యంలో క్యాంపస్లో నిర్వహించిన స్వచ్ఛోత్సవ్ కార్యక్రమాన్ని ఆయన ప్రారంభించారు. పరిసరాల పరిశుభ్రతలో ప్రతి ఒక్కరి భాగస్వామ్యాన్ని పెంపొందించేవిధంగా భారతప్రభుత్వం రూపకల్పన చేసిన ఈ కార్యక్రమంలో ప్రతిఒక్కరూ పాల్గొనాల్సిన అవసరముందన్నారు. ఎన్ఎస్ఎస్ వాలంటీర్లంతా క్యాంపస్లో స్వచ్ఛతకోసం కృషిచేయాలని ఆచార్య బసవరావు హితవు పలికారు. కార్యక్రమంలో వర్సిటీ రీసర్చ్ స్టడీస్ డైరెక్టర్ ఆచార్య సి. విశ్వనాథరెడ్డి, డీన్ ఆఫ్ అకడమిక్ అఫైర్స్ ఆచార్య ఆర్. భరత్ కుమార్, ఎన్ఎస్ఎస్ కోఆర్డినేటర్ డాక్టర్ పి. నాగరాజు, ప్రోగ్రాం ఆఫీసర్లు డాక్టర్ కె. వెంకటరత్నం, డాక్టర్ బి. విజయుడు, డాక్టర్ నాగచంద్రుడుతోపాటు విద్యార్థినీ విద్యార్థులు, వివిధ విభాగాల అధ్యాపకులు, బోధనేతర సిబ్బంది పాల్గొన్నారు.
About Author
