అవ్వాతాతలకు అండగా టీడీపీ ప్రభుత్వం – ఎన్టీఆర్ భరోసా పెన్షన్లు
1 min read
పంపిణీ ఘనంగా నిర్వహణ
ఇంటింటికీ వెళ్లి లబ్ధిదారులకు పెన్షన్లు అందజేసిన టీడీపీ నాయకులు
ప్రజా సంక్షేమమే లక్ష్యంగా ప్రతి కుటుంబానికి భరోసా కల్పిస్తున్న రాష్ట్ర ప్రభుత్వం
పెన్షన్ల పంపిణీపై హర్షం వ్యక్తం చేసిన లబ్ధిదారులు
హోళగుంద న్యూస్ నేడు: ఆంధ్రప్రదేశ్ రాష్ట్ర ప్రభుత్వం అమలు చేస్తున్న సంక్షేమ కార్యక్రమాల్లో కీలకమైన “ఎన్టీఆర్ భరోసా” పథకం ద్వారా అవ్వాతాతలు, వితంతువులు, వికలాంగులు మరియు ఇతర అర్హులైన లబ్ధిదారులకు ప్రతి నెలా సామాజిక భద్రతా పెన్షన్లు అందజేస్తూ వారి జీవితాల్లో ఆర్థిక భరోసా కల్పిస్తోంది. ముఖ్యమంత్రి నారా చంద్రబాబు నాయుడు నాయకత్వంలోని ప్రభుత్వం ప్రజా సంక్షేమాన్ని ప్రధాన లక్ష్యంగా తీసుకుని అర్హులైన ప్రతి ఒక్కరికీ ప్రభుత్వ ఫలాలు చేరేలా చర్యలు చేపడుతోంది.ఈ నేపథ్యంలో ఆలూరు నియోజకవర్గ టీడీపీ ఇన్చార్జ్ వైకుంఠం జ్యోతి ఆదేశాల మేరకు హోళగుంద మండల పరిధిలోని బుడగ జంగాల కాలనీలో ఎన్టీఆర్ భరోసా పెన్షన్ల పంపిణీ కార్యక్రమాన్ని నిర్వహించారు. కార్యక్రమంలో టీడీపీ మండల ప్రధాన కార్యదర్శి ఈబీజీ గోవింద్ గౌడ్ ఆధ్వర్యంలో నాయకులు, కార్యకర్తలు లబ్ధిదారుల ఇళ్లకు నేరుగా వెళ్లి పెన్షన్లను అందజేశారు.ఈ కార్యక్రమంలో టీడీపీ సీనియర్ నాయకులు యారిస్వామి, అంజి, బుడగ జంగాల రామాంజి, బగోడి రాము, టీడీపీ మండల మైనార్టీ అధ్యక్షులు ముల్లా మొయిన్, ఎం. హుస్సేన్ పీరా, యువ నాయకులు పంచగుండిగ వెంకటేష్, మల్లయ్య, బుడగ జంగాల రామయ్య, బాడ్సాబ్ తదితరులు పాల్గొన్నారు. అలాగే సచివాలయ సిబ్బంది నాయక్ సహకారంతో పెన్షన్ల పంపిణీ కార్యక్రమం సజావుగా కొనసాగింది.లబ్ధిదారుల ఇళ్ల వద్దకు వెళ్లి పెన్షన్లు అందజేయడంతో వృద్ధులు, వికలాంగులు ఆనందం వ్యక్తం చేశారు. ప్రభుత్వం తమ కష్టాలను గుర్తించి ప్రతి నెలా సమయానికి పెన్షన్లు అందించడం వల్ల జీవనోపాధికి ఎంతో ఉపయోగపడుతోందని తెలిపారు. ముఖ్యమంత్రి చంద్రబాబు నాయుడు అమలు చేస్తున్న సంక్షేమ పథకాలు పేద, బలహీన వర్గాల జీవితాల్లో వెలుగులు నింపుతున్నాయని కొనియాడారు.ఈ సందర్భంగా నాయకులు మాట్లాడుతూ రాష్ట్ర ప్రభుత్వం ప్రజా సంక్షేమానికి అత్యంత ప్రాధాన్యత ఇస్తోందని, సమాజంలోని ప్రతి వర్గానికి ప్రభుత్వ పథకాల ప్రయోజనాలు చేరేలా కృషి చేస్తోందన్నారు. ఎన్టీఆర్ భరోసా పథకం ద్వారా లక్షలాది మంది వృద్ధులు, వికలాంగులు, నిరుపేద కుటుంబాలకు ఆర్థిక భద్రత కల్పించబడుతోందని పేర్కొన్నారు. ప్రజల సంక్షేమం కోసం ప్రభుత్వం తీసుకుంటున్న ప్రతి కార్యక్రమాన్ని గ్రామస్థాయిలో సమర్థవంతంగా అమలు చేయడం తమ బాధ్యత అని తెలిపారు.పెన్షన్ల పంపిణీ కార్యక్రమంలో టీడీపీ నాయకులు, కార్యకర్తలు పెద్ద ఎత్తున పాల్గొని విజయవంతం చేశారు. గ్రామ ప్రజలు మరియు లబ్ధిదారులు కార్యక్రమాన్ని అభినందిస్తూ ప్రభుత్వానికి, ప్రజాప్రతినిధులకు కృతజ్ఞతలు తెలియజేశారు.“ప్రజా సంక్షేమమే ధ్యేయంగా ప్రతి ఇంటికీ భరోసా అందిస్తూ ముందుకు సాగుతున్న టీడీపీ ప్రభుత్వం” అని నాయకులు పేర్కొన్నారు.
About Author
