మహాగణపతికి విద్యార్థులు ప్రత్యేకపూజలు
1 min read
పల్లెవెలుగువెబ్ కర్నూలు: శరీన్నగర్లోని సద్గురు త్యాగరాజ సీతారామాలయంలో విజ్ఞాన వికాస్ బాలసంస్కార కేంద్రం విద్యార్థినీ విద్యార్థులు శుక్రవారం మహాగణపతి స్వామివారికి ప్రత్యేక పూజలు నిర్వహించారు. విశ్వహిందూ పరిషత్ మాతృశక్తి నగర కన్వీనర్ మాళిగి భార్గవి ఆధ్వర్యంలో విద్యార్థినీ విద్యార్థులు మహాగణపతికి సేవా కార్యక్రమాలు జరిపారు. విద్యలో ఉన్నత శిఖరాలకు చేరుకునే భాగ్యం కలిగించాలంటూ పూజలు చేశారు. కన్వినర్ మాళిగి భార్గవి మాట్లాడుతూ మహాగణపతిని 108నామాలతో పూజించి స్వామికి మహామంగళహారతి, భజనలు నిర్వహించారని, అనంతరం తీర్థప్రసాద వితరణ చేసినట్లు తెలిపారు. కార్యక్రకమంలో సుమారు 60మంది బాల సంస్కార కేంద్రం విద్యార్థులు, తల్లిదండ్రులు పాల్గొన్నారు.
About Author
