స్నేహితుడి కుటుంబానికి అండగా..
1 min read
– పూర్వపు విద్యార్థుల ఆర్థిక సాయం
పల్లెవెలుగు వెబ్, జోగులాంబ గద్వాల: స్నేహితుడు 40 రోజుల క్రితం హార్ట్ స్ర్టోక్తో మృతి చెందడంతో… ఆ కుటుంబానికి అండగా నిలిచారు పూర్వపు విద్యార్థులు. జోగులాంబ గద్వాల జిల్లా ఉండవల్లి మండలం బొంకూర్ గ్రామానికి చెందిన ఎండి ఖాజా హుసేన్ 40 రోజుల క్రితం గుండె నొప్పితో మృతి చెందాడు. 1998–99వ బ్యాచ్ రవీంద్ర హై స్కూల్ పదో తరగతి బ్యాచ్ విద్యార్థులు స్నేహితుడు ఎండి ఖాజా హుసేన్ మృతి చెందిన విషయం తెలుసుకుని.. రూ.63,500లు ఆర్థిక సహాయం అందజేశారు. ఆ మొత్తాన్ని ఖాజా హుసేన్ భార్య సైనజ్ బేగంకు అందజేశారు. బాధిత కుటుంబానికి అండగా నిలుస్తూ… ఆర్థిక సాయం చేయడం గొప్పవిషయమని పూర్వపు విద్యార్థులను గ్రామస్తులు అభినందించారు.
About Author
