ప్రతి పేద వాడికి.. గూడు..
1 min read
– జగనన్న కాలనీకి భూమి పూజ చేసిన ఎమ్మెల్యే చెన్నకేశవ రెడ్డి
– పెద్దనేలటూరలో రోడ్డుకు శంకుస్థాపన
పల్లెవెలుగు వెబ్, గోనెగండ్ల:ప్రతి పేద వాడికి గూడు ఉండాలన్న లక్ష్యంతో రాష్ట్ర ప్రభుత్వం పని చేస్తోందని ఎమ్మిగనూరు ఎమ్మెల్యే చెన్నకేశవ రెడ్డి అన్నారు. శుక్రవారం గోనెగండ్లలోని జగనన్న కాలనీలో ఇళ్ల నిర్మాణానికి భూమిపూజ చేశారు. ఈ సందర్భంగా ఎమ్మెల్యే మాట్లాడుతూ ప్రతి ఒక్కరికి ఇల్లు ఉండాలన్న సంకల్పంతో సీఎం వైఎస్ జగన్మోహన్ రెడ్డి ఒక్కొక్క ఇంటి నిర్మాణానికి రూ. లక్ష 80వేలు మంజూరు చేశారని, పేదలు సద్వినియోగం చేసుకోవాలన్నారు. నవరత్నాలతో ప్రజల ఆదరాభిమానం పొందిన సీఎం జగన్… దేశంలోనే ఉత్తమ సీఎంగా పేరు సంపాదించారన్నారు. అంతకు ముందు పెద్దనేలటూరు గ్రామంలో ఎమ్మెల్యేతోపాటు వైసీపీ సీనియర్ నాయకులు ఎర్రకోట జగన్మోహన్ రెడ్డి, సర్పంచ్ సోమన్న రోడ్డు నిర్మాణానికి శంకు స్థాపన చేశారు. కార్యక్రమంలో మండల ప్రతేకాధికారి సుధాకర్, తహశీల్దార్ వేణుగోపాల్, ఎంపీడీఓ ప్రవీణ్ కుమార్, ఆర్ డబ్ల్యూ ఎస్ డి ఈ శ్రీనివాస్ రెడ్డి,ఏ ఈ శ్రీనివాస రెడ్డి, హౌసింగ్ ఏ ఈ లక్ష్మన్న,ఎన్ ఆర్ ఈజిఎస్ బుజ్జయ్య,ఆర్ ఐ సునీల్ కుమార్, సి ఐ మంజునాథ్, ఎస్ ఐ శరత్ కుమార్ రెడ్డి,వీఆర్వోలు, సచివాలయ ఉద్యోగులు, వాలంటీర్లు, మండల కో ఆప్షన్ మెంబర్ బందే నవాజ్, ఎమ్మిగనూరు మార్కెట్ యార్డు వైస్ చెర్మెన్ మన్సూర్, భాస్కర్ రెడ్డి, మురళి నాయుడు, బజారి, మునెప్ప, కౌలుటలయ్య తదితరులు పాల్గొన్నారు.
About Author
