అవ్వాతాతల ముఖాల్లో చిరునవ్వులు నింపుతున్న ఎన్టీఆర్ భరోసా
1 min read
ఈర్లకట్ట కాలనీలో ఇంటింటికీ వెళ్లి పెన్షన్లు పంపిణీ చేసిన ఈబీజీ గోవింద్ గౌడ్ ఆధ్వర్యంలోని కూటమి నాయకులు
ప్రజల గుమ్మం వద్దకే సంక్షేమం చేరవేయడమే కూటమి ప్రభుత్వ లక్ష్యం
హోళగుంద న్యూస్ నేడు: ఆంధ్రప్రదేశ్ రాష్ట్ర ముఖ్యమంత్రి నారా చంద్రబాబు నాయుడు నాయకత్వంలోని కూటమి ప్రభుత్వం అమలు చేస్తున్న ప్రతిష్టాత్మక “ఎన్టీఆర్ భరోసా” పథకం ద్వారా ప్రతి నెలా అవ్వాతాతలు, వికలాంగులు, వితంతువులు, ఒంటరి మహిళలు, దీర్ఘకాలిక వ్యాధులతో బాధపడుతున్న వారు మరియు ఇతర అర్హులైన లబ్ధిదారులకు గౌరవప్రదంగా పెన్షన్లు అందిస్తూ సంక్షేమ పాలనలో కొత్త అధ్యాయానికి శ్రీకారం చుడుతోంది. ప్రభుత్వం చేపట్టిన ఈ కార్యక్రమం వల్ల వేలాది కుటుంబాలకు ఆర్థిక భరోసా కలగడంతో పాటు లబ్ధిదారుల జీవితాల్లో ఆత్మవిశ్వాసం పెరుగుతోందని ప్రజలు అభిప్రాయపడుతున్నారు.ఆలూరు నియోజకవర్గ ఇన్చార్జి వైకుంఠం జ్యోతి ఆదేశాల మేరకు హొళగుంద మండలం ఈర్లకట్ట కాలనీతో పాటు పరిసర ప్రాంతాల్లో ఎన్టీఆర్ భరోసా పెన్షన్ల పంపిణీ కార్యక్రమాన్ని ఘనంగా నిర్వహించారు. కార్యక్రమంలో తెలుగుదేశం పార్టీ సీనియర్ నాయకుడు ఈబీజీ గోవింద్ గౌడ్ ఆధ్వర్యంలో కూటమి నాయకులు, సచివాలయ సిబ్బంది ఇంటింటికీ వెళ్లి లబ్ధిదారులకు స్వయంగా పెన్షన్లు అందజేశారు.ఈ సందర్భంగా ఈబీజీ గోవింద్ గౌడ్ ప్రతి లబ్ధిదారుని ఆప్యాయంగా పలకరించి వారి ఆరోగ్య పరిస్థితులు, కుటుంబ యోగక్షేమాలు, ప్రభుత్వ సంక్షేమ పథకాల అమలుపై ఆరా తీశారు. ముఖ్యంగా వృద్ధులు, వికలాంగులు కార్యాలయాలకు రావాల్సిన అవసరం లేకుండా నేరుగా వారి ఇంటి వద్దకే పెన్షన్ అందించడం కూటమి ప్రభుత్వం ప్రజల పట్ల చూపుతున్న చిత్తశుద్ధికి నిదర్శనమని ఆయన పేర్కొన్నారు.వృద్ధాప్యంలో ఆర్థిక భరోసా ఎంతో అవసరమని గుర్తించిన ముఖ్యమంత్రి నారా చంద్రబాబు నాయుడు ప్రజల సంక్షేమమే లక్ష్యంగా పెన్షన్ పంపిణీ వ్యవస్థను మరింత పారదర్శకంగా, సులభంగా తీర్చిదిద్దారని నాయకులు తెలిపారు. ప్రతి నెలా నిర్ణీత తేదీన ఎలాంటి జాప్యం లేకుండా ఇంటి వద్దకే పెన్షన్ అందడంతో లబ్ధిదారులు ఆనందం వ్యక్తం చేస్తూ ప్రభుత్వానికి కృతజ్ఞతలు తెలిపారు.పెన్షన్ అందుకున్న పలువురు అవ్వాతాతలు మాట్లాడుతూ, గతంలో కార్యాలయాల చుట్టూ తిరగాల్సిన పరిస్థితులు ఉండేవని, ఇప్పుడు మాత్రం ప్రభుత్వం తమ ఇంటి వద్దకే వచ్చి గౌరవంగా పెన్షన్ అందజేస్తుండడం ఎంతో సంతోషంగా ఉందన్నారు. తమ కష్టసుఖాలు అడిగి తెలుసుకుంటూ ఆదరిస్తున్న ముఖ్యమంత్రి నారా చంద్రబాబు నాయుడు, ఆలూరు నియోజకవర్గ ఇన్చార్జి వైకుంఠం జ్యోతి, స్థానిక కూటమి నాయకులకు వారు ప్రత్యేకంగా ధన్యవాదాలు తెలిపారు.ఈ సందర్భంగా ఈబీజీ గోవింద్ గౌడ్ మాట్లాడుతూ, ప్రజా సంక్షేమమే కూటమి ప్రభుత్వ ప్రధాన లక్ష్యమని, ప్రతి అర్హుడికి ప్రభుత్వ పథకాల ప్రయోజనాలు చేరేలా నిరంతరం కృషి చేస్తున్నామని చెప్పారు. సంక్షేమం, అభివృద్ధి రెండింటినీ సమానంగా ముందుకు తీసుకెళ్తూ ప్రతి కుటుంబానికి ప్రభుత్వం అండగా నిలుస్తోందని పేర్కొన్నారు.ఈ కార్యక్రమంలో టీడీపీ సీనియర్ నాయకులు ఎస్. పంపపతి, యారిస్వామి, బీజేపీ మండల కన్వీనర్ ప్రసాద్, జనసేన మండల కన్వీనర్ అశోక్, టీడీపీ మండల కో-కన్వీనర్ జాకీర్, హుస్సేన్ పీరా, మాజీ సర్పంచ్ గాదిలింగ, బుడగజంగాల రామాంజి, టీడీపీ మండల మైనార్టీ అధ్యక్షుడు ముల్లా మొయిన్, వడ్డే యారిస్వామి, టీడీపీ యువ నాయకులు రారావి సిద్దు, పంచగుండిగ వెంకటేష్, సురేష్, కన్నయ్య, సచివాలయ సిబ్బంది నాయక్, జీలన్తో పాటు కూటమి నాయకులు, కార్యకర్తలు పెద్ద సంఖ్యలో పాల్గొని ఇంటింటికీ వెళ్లి లబ్ధిదారులకు పెన్షన్లు అందజేసి కార్యక్రమాన్ని విజయవంతం చేశారు.
About Author
