ప్రపంచ ట్రామా దినోత్సవం…
1 min read
ప్రతి నిమిషం ఒక ప్రాణం రోడ్డు ప్రమాదం లేదా ట్రామా కారణంగా పోతుంది – జాగ్రత్తే ప్రాణ రక్షణ
కర్నూలు, న్యూస్ నేడు:ట్రామా అనేది ఒక్క సెకనులో జీవితం మార్చగల పరిస్థితి. ప్రమాదాలు, పతనాలు, తలకు గాయాలు, ఎముకలు విరగడం, రక్తస్రావం – ఇవన్నీ ట్రామా కేసులు”గా పరిగణించబడతాయి. ప్రపంచ ఆరోగ్య సంస్థ (WHO) నివేదిక ప్రకారం, ప్రపంచవ్యాప్తంగా ప్రతి సంవత్సరం సుమారు 5 కోట్ల మంది ట్రామా కారణంగా గాయపడుతుండగా, సుమారు 50 లక్షల మంది ప్రాణాలు కోల్పోతున్నారు. భారతదేశంలో మాత్రం ఇది మరింత భయానక స్థాయిలో ఉంది – ప్రతి నాలుగు నిమిషాలకోసారి ఒక వ్యక్తి రోడ్డు ప్రమాదంలో మరణిస్తున్నాడు.ఇది కేవలం గణాంకం కాదు – ఇది ప్రతి కుటుంబాన్ని తాకే నిజం.ప్రపంచ ట్రామా దినోత్సవం సందర్భంగా, మనం అవగాహన పెంపొందించుకోవడం, మరియు గాయాల తర్వాత సరైన సమయానికి సరైన చికిత్స ఎంత ముఖ్యమో గుర్తుచేసుకోవాలి.
ట్రామా అంటే ఏమిటి?
ట్రామా అంటే శరీరానికి హఠాత్తుగా కలిగే గాయం — అది తలకు, వెన్నెముకకు, ఛాతీకి, పొట్టకు లేదా ఎముకలకు సంబంధించినదైనా కావచ్చు, అని డాక్టర్ విశ్వ కుమార్ – కన్సల్టెంట్ న్యూరో సర్జన్ (మెదడు & వెన్నెముక), మెడికోవర్ హాస్పిటల్స్, కర్నూల్ చెబుతున్నారు. ప్రమాదం జరిగిన మొదటి గడియే అత్యంత విలువైనది. ఆ సమయంలో సరైన నిర్ణయం తీసుకుంటే ప్రాణం కాపాడటం సాధ్యం, అని ఆయన అన్నారు.ట్రామా రకాలడాక్టర్ మంజునాథ్ – ఆర్థోపెడిషియన్ ప్రకారం, రోడ్డు ప్రమాదాలు, పడిపోవడం లేదా క్రీడా గాయాల వల్ల ఎముకలు విరగడం, జాయింట్లు దెబ్బతినడం వంటి సమస్యలు ఎక్కువగా వస్తున్నాయి. గాయం తర్వాత తక్షణ ఇమ్మోబిలైజేషన్ చేయడం చాలా ముఖ్యం. తప్పు కదలిక మరింత నష్టం కలిగిస్తుంది.క్లస్టర్ హెడ్ మహేశ్వర్ రెడ్డి గారు మాట్లాడుతూ –మన సమాజంలో ట్రామా అవగాహన చాలా తక్కువ. కానీ ప్రతీ కుటుంబం ఈ రోజు ఒక సందేశం గుర్తుంచుకోవాలి — సేఫ్టీ ఫస్ట్, స్పీడ్ నో! ప్రమాదాల నివారణతో పాటు, గాయాల తర్వాత సరైన సమయానికి సరైన ఆసుపత్రి చేరడం ప్రాణరక్షణకు కీలకం అన్నారు.మెడికోవర్ హాస్పిటల్స్, కర్నూల్ – అత్యాధునిక ట్రామా కేర్ సెంటర్మెడికోవర్ హాస్పిటల్స్, కర్నూల్ లో 24×7 ట్రామా మరియు ఎమర్జెన్సీ కేర్ యూనిట్, నిపుణులు, శీఘ్ర నిర్ధారణ సదుపాయాలు, మరియు మల్టీ-స్పెషాలిటీ టీమ్ తో ఎల్లప్పుడూ సిద్ధంగా ఉంటుంది అని క్లస్టర్ హెడ్ మహేశ్వర్ రెడ్డి అన్నారు.ఈ కార్యక్రమంలో డాక్టర్ సునీల్ – ఎమర్జెన్సీ మెడిసిన్ స్పెషలిస్టు, డాక్టర్ విశ్వ కుమార్ – కన్సల్టెంట్ న్యూరో సర్జన్, డాక్టర్ మంజునాథ్ – ఆర్థోపెడిషియన్, డాక్టర్ రఘు నందిని – న్యూరోఫిజియన్ మరియు క్లస్టర్ హెడ్ మహేశ్వర్ రెడ్డి పాల్గొన్నారు.
About Author
