అధికారులు ప్రజా ప్రతినిధులు సమన్వయంతో పని చేయాలి
1 min read
ఎంపిపి వై. గిరిజమ్మ
పల్లెవెలుగు వెబ్ మంత్రాలయం : ప్రభుత్వ వివిధ శాఖల అధికారులు ప్రజాప్రతినిధులు సమన్వయంతో పనిచేయాలని మండల అధ్యక్షురాలు వై. గిరిజమ్మ సూచించారు . మంగళవారం స్థానిక మండల పరిషత్ అభివృద్ధి కార్యాలయంలో మండల అభివృద్ధి అధికారి శోభారాణి అధ్యక్షతన సర్వసభ్య సమావేశం నిర్వహించారు. ఈ సందర్భంగా ఆమె మాట్లాడారు. అంతకుముందు వివిధ శాఖల అధికారులు తమ శాఖ ద్వారా జరుగుతున్న అభివృద్ధి పనులను గురించి వివరించారు. రానున్న వేసవిని దృష్టిలో ఉంచుకుని త్రాగునీటి సమస్య రాకుండా చూడాలని సూచించారు. గ్రామాల్లో సిసి రోడ్ల నిర్మాణానికి ప్రతిపాదనలు సక్రమంగా ఇవ్వాలని అందుకు సంభందిత గ్రామాల సర్పంచులు ఎంపిటిసిలు సమన్వయంతో ప్రతిపాదనలు పంపాలని లేనిపక్షంలో సమస్యలు తలెత్తుతాయని పేర్కొన్నారు. ఇళ్ల నిర్మాణాల బకాయిలు లబ్ధిదారులకు తప్పకుండా మంజూరు అవుతాయని, నూతన గృహ మంజూరుకు ధరఖాస్తులు స్వీకరిస్తున్నట్లు ఆ శాఖ డిఇ లాల్ కృష్ణయ్య తెలిపారు. ఇప్పటికే సిసి రోడ్ల నిర్మాణానికి ప్రభుత్వం నుండి 2.5 కోట్లు మంజూరు అయ్యాయని ప్రస్తుతం పనులు వేగవంతంగా జరుగుతున్నాయని పంచాయతీ రాజ్ శాఖ ఏఈ మల్లయ్య తెలిపారు. ఇక వివిధ శాఖల అధికారులు తమ శాఖ పరిధిలో జరిగిన అభివృద్ధి పనుల గురించి వివరించారు. ఈ కార్యక్రమంలో వైకాపా మండల ఇన్చార్జి విశ్వనాథ్ రెడ్డి, వైస్ ఎంపీపీ పులికుక్క రాఘవేంద్ర, ఎంఇఓ మోహనుద్దీన్, ఇఒపిఆర్డి ప్రభావతి మంత్రాలయం సర్పంచ్ లు తెల్లబండ్ల భీమయ్య, చెట్నహల్లి సర్పంచ్ అంజనయ్య, వి తిమ్మాపురం సర్పంచ్ వీరారెడ్డి, వగరూరు సర్పంచ్ లింగారెడ్డి, ఎంపిటిసి సభ్యులు వెంకటేష్ శెట్టి, చెట్నహల్లి ఎంపిటిసి రామాంజినేయులు, పంచాయతీ కార్యదర్శులు వేణుగోపాల్, మహేష్ ఇతర శాఖల అధికారులు కార్యదర్శులు పాల్గొన్నారు.
About Author
