మోటార్లు..వైర్ దొంగతనం..ముద్దాయి అరెస్ట్
1 min read
ఎస్ఐ..సిబ్బందిని అభినందించిన డీఎస్పీ,,రూరల్ సీఐ
పల్లెవెలుగు వెబ్ నందికొట్కూరు: గతంలో మోటార్లు మరియు కాపర్ వైర్ దొంగతనం కేసులో ముద్దాయిని బ్రాహ్మణ కొట్కూరు పోలీసులు అరెస్ట్ చేశారు.నంద్యాల జిల్లా నందికొట్కూరు మండల పరిధిలోని బ్రాహ్మణ కొట్కూరు పోలీస్ స్టేషన్ లో బుధవారం ఎస్ఐ టి.తిరుపాలు తో కలసి నందికొట్కూరు రూరల్ సీఐ టి.సుబ్రహ్మణ్యం వివరాలు వెల్లడించారు.సీఐ తెలిపిన వివరాల మేరకు అందిన సమాచారం మేరకు బుధవారం మ 2:30 కు దామగట్ల క్రాస్ రోడ్డు దగ్గర రెండవ నిందితుడు కల్లూరు శ్రీనివాస నగర్ కాలనీకి చెందిన చెంచు వెంకటస్వామి కుమారుడు చెంచు వెంకటరాముడు (23)ను అరెస్ట్ చేసినట్లు తెలిపారు.ఈ కేసులో మొదటి ముద్దాయి చెంచు సుంకప్ప పరారీలో ఉన్నాడని నిందితుడిని త్వరలోనే పట్టుకుంటామని అన్నారు.నిందితుడి వద్ద నుండి 60 వేలు విలువచేసే టెక్స్ మో 3 మోటార్లు మరియు 100 మీటర్ల సర్వీస్ కాపర్ వైర్ ను స్వాధీనం చేసుకున్నామని నిందితుడు వెంకట రాముడు రిమాండ్ కు పంపినట్లు సీఐ తెలిపారు.మొదటి నిందితుడు సుంకప్ప గత దొంగ తనాల కేసులో కర్నూలు నాలుగవ పట్టణ పోలీస్ స్టేషన్ లో కేసులు ఉన్నాయని నిందితుడిని పట్టుకోవడంలో ప్రతిభ కనబరిచిన ఎస్సై తిరుపాలు మరియు సిబ్బంది రామ సుంకన్న,వెంకటేశ్వర్లు, మణికుమార్,శివుడు, భాస్కర్ లను ఆత్మకూరు డీఎస్పీ ఆర్ రామాంజి నాయక్, రూరల్ సీఐ సుబ్రహ్మణ్యం అభినందించారు.
About Author
