ఏఐటీయూసీ జిల్లా మహాసభలను జయప్రదం చేయండి
1 min read
జిల్లా అధ్యక్షులు రఘురాం మూర్తి..
న్యూస్ నేడు నందికొట్కూరు: ఏఐటియుసి జిల్లా మహాసభలను జయప్రదం చేయాలని జిల్లా అధ్యక్షులు వి రఘురాం మూర్తి అన్నారు.నంద్యాల జిల్లా నందికొట్కూరు పట్టణంలో ఏప్రిల్ 6,7 తేదీల్లో నిర్వహించనున్న జిల్లా మహాసభలను జయప్రదం చేయాలని కోరుతూ పగిడ్యాలలో కరపత్రాలను విడుదల చేశారు.ఈ సందర్భంగా రఘురాం మూర్తి మాట్లాడుతూ కేంద్ర,రాష్ట్ర ప్రభుత్వాల కార్మిక వ్యతిరేక విధానాలపై నిప్పులు చెరిగారు.లేబర్ కోడ్స్ రద్దు, దశాబ్దాల పోరాటాలతో సాధించుకున్న 44 కార్మిక చట్టాలను రద్దు చేసి,వాటిని కేవలం 4 లేబర్ కోడ్ లుగా మార్చడం కార్మిక హక్కులను కాలరాయడమేనని అన్నారు వీటిని వెంటనే రద్దు చేయాలని డిమాండ్ చేశారు.పని గంటల పెంపు:రాష్ట్ర ప్రభుత్వం పని గంటలను 8 నుండి 10 గంటలకు పెంచుతూ అసెంబ్లీలో తీర్మానం చేయడం దారుణమని ఇది కార్మికులను బానిసలుగా మార్చే ప్రయత్నమని ధ్వజమెత్తారు.కేంద్ర,రాష్ట్ర ప్రభుత్వాలు సామాన్య కార్మికుడి సంక్షేమాన్ని విస్మరించాయని ఆవేదన వ్యక్తం చేశారు.మహాసభల లక్ష్యం: కార్మికులకు మెరుగైన వేతనాలు,పని భద్రత, మరియు సామాజిక రక్షణ కల్పించడంతో పాటు హమాలీ కార్మికులకు సంక్షేమ బోర్డు ఏర్పాటు చేయాలని,55 సం.లు కలిగిన హమాలీ కార్మికులకు సామాజిక పించన్ రూ 8 వేలు ఇవ్వాలని డిమాండ్ చేశారు.నందికొట్కూరులో జరిగే జిల్లా మహాసభలకు కార్మికులు, రైతులు,ప్రజా సంఘాల నాయకులు హాజరై కార్యక్రమాన్ని జయప్రదం చేయాలని కోరారు.ఈ కార్యక్రమంలో చాంద్ భాష,కళ్యాణ్,అబ్దుల్ రెహమాన్,దేవన్న,శాలుభాష పాల్గొన్నారు.
About Author
