‘ఆకాశ్ ’లో.. డా. ఎన్.టి.ఆర్. ఆరోగ్య శ్రీ సేవలు
1 min read
కర్నూలు, న్యూస్ నేడు: నగరంలోని గాయత్రి ఎస్టేట్ లోని ఆకాశ్ హాస్పిటల్ లో డా. ఎన్ .టి.ఆర్. ఆరోగ్య శ్రీ వైద్య సేవలు అందిస్తున్నామని హాస్పిటల్ ఎండి. జనరల్ ఫిజిషియన్ డా. శ్రీ హరి తెలిపారు. బుధవారం ఆయన ఛాంబరులో విలేకరులతో మాట్లాడారు. తమ హాస్పిటల్ లో ఎన్టీ ఆర్ ఆరోగ్య శ్రీ వైద్య సేవల కింద ఆర్థో పిడియక్స్ మరియు పాలీ ట్రుమా, ప్లాస్టిక్ సర్జరీ, నెఫ్రాలజి, యురాలజి, పీడియాటిక్స్ ( మెడికల్ ), జనరల్ సర్జరీ, గైనకాలజి మరియు ఈ.ఎన్.టి. వైద్య సేవలకు అనుమతి లభించిందని ఈ సందర్భంగా డా. శ్రీ హరి వెల్లడించారు. హాస్పిటల్ లో 24 గంటలు వైద్యులు అందుబాటులో ఉంటారని, అలాగే అన్ని రకాల హెల్త్ ఇన్సూరెన్స్ కింద వైద్య సేవలు అందిస్తున్నామన్నారు. అంతేకాక 24 గంటలకు ఐసీయూ, ఎన్ఐసీయూ ఎమర్జెన్సీ డాక్టర్లు బృందం ప్రజలకు అందుబాటులో ఉంటారని తెలిపారు. పేదలకు మరింత మెరుగైన వైద్య సేవలు, శస్ర్త చికిత్సలు చేస్తామని, ఈ అవకాశాన్ని రాయలసీమ జిల్లా ప్రజలు సద్వినియోగం చేసుకోవాలని ఈ సందర్భంగా ఆకాశ్ హాస్పిటల్ అధినేత, డయాబెటిస్ వైద్యులు డా. శ్రీ హరి కోరారు.
About Author
